Charter Document - 06300042
| Charter Number: | 06300042 |
|---|---|
| Cartulary Title: | Recueil des actes du prieuré de Saint-Symphorien Autun de 696 à 1300 |
| Charter Language: | Latin |
| Charter Origin: | Lay |
| Charter Type(s): | Bequest |
| Date: | 1219 |
| Date type: | Internal, A.D. |
| Resource Link(s): |
|
Charter:
Ego hugo de marrigniaco belnensis archidiaconus Notum facimus vniuersis et singulis Presentibus et futuris quod vguenet de submuro de sancto saturnino del plein si aliquid iuris habebat in tenemento Iohannis de creence sacerdotis totum illud in presencia nostra quitauit ecclesie sancti symphoriani eduensis et canonicis ibidem deo seruientibus et in posterum seruituris Quitauit eciam simili modo eidem ecclesie Balliuam unam quam predictus diu tenuerat Iohannes in parrochia sancti saturnini Preterea in presencia nostra recognouit Idem vguenet quod tenet de ecclesia sancti symphoriani eduensis quicquid ipse habet in parrochia sancti saturnini del plein excepta domo sua et exinde tenetur reddere sepe dicte ecclesie sancti symphoriani eduensis de martio in martium tres solidos censuales Addidit eciam quod si aliquid adquireret in parrochia sancti saturnini del plein ab alio quam a sancto symphoriano eduensi illud idem teneret de ecclesia sancti symphoriani eduensis sub censu trium solidorum prenotato et quod omnia que continentur in presenti pagina bona fide obseruaret corporale prestitit sacramentum Quod ne possit alicuius imfirmare proteruitas ad Instantiam vtriusque partis sigilli nostri impressione roborauimus presens scriptum Anno Gratie millesimo ducentesimo decimo nono