Charter Document - 06300040
| Charter Number: | 06300040 |
|---|---|
| Cartulary Title: | Recueil des actes du prieuré de Saint-Symphorien Autun de 696 à 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1218 |
| Date type: | Internal, A.D. |
| Resource Link(s): |
|
Charter:
Ut sciantur per tempora que geruntur in tempore consueuit ea per scripturam discretorum discretio perempnare Sciant ergo presentes et per presentem scripturam ad posterorum noticiam diriuetur quod Alerannus canonicus Eduensis pro quibusdam dampnis que ecclesie sancti Symphoriani fecerat dedit eidem ecclesie et canonicis ibidem Deo seruientibus et seruituris in posterum duos sextarios syliginis et duos auene ad mensuram Arneti percipiendos in perpetuum in porcione decime de Blange que dominum Arbertum fratrem ipsius canonici contingebat Donationi eciam isti laudationem prebuit et consensum idem Arbertus sub religione iuramenti addiciens et promitens quod si illi quatuor sestarii ex porcione illa non possunt perfecte percipi et persolui singulis annis de suo defectum perficiet et supplebit In cuius rei memoriam et testimonium ad peticionem dicti Aleranni ego Guido decanus Eduensis et ego Hugo archidiaconus Belnensis signauimus presens scriptum nostrorum munimine sigillorum anno gratie millesimo ducentesimo decimo octavo