Charter Document - 06300034
| Charter Number: | 06300034 |
|---|---|
| Cartulary Title: | Recueil des actes du prieuré de Saint-Symphorien Autun de 696 à 1300 |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1180 |
| Date type: | Internal, A.D. |
| Resource Link(s): |
|
Charter:
Ego Stephanus dei gratia eduensis episcopus notum facio omnibus futuris et presentibus quod prior sancti symphoriani nomine Galterius et conuentus eiusdem ecclesie concordauerunt in presentia nostra cum monachis de firmitate de querelis que inter eos erant super quibusdam terris et decimis hoc modo Canonici dederunt et concesserunt monachis quicquid iuris habebant in territorio de suxe et de gasderiis sine ulla retentione des la plancheta de maslinei inter aquam de larronna et aquam que uocatur acinna et omnem decimam terrarum quas propriis manibus uel sumptibus excoluerunt in tota parrochia masliniaci Ex hoc debent monachi dare canonicis annuatim quatuor sextarios annone duos frumenti et duos auene mensura publica de arneto que tunc temporis erat pro bona fide reddendos a festo sancti michelis usque ad festum sancti andree cum ministeriales eorum expetierunt illos apud grangiam monachorum de suxe Dictumque fuit ut carte conuentionis huius per cirographum scriberentur et sigillo nostro mutuisque sigillis ecclesiarum firmarentur Quod ita factum est Anno dominice incarnationis Millesimo centesimo octogesimo Epacta uigesima secunda Concurrente secundo huius rei testes Constantinus abbas de buxeria Humbertus de eschennaco et Guillermus de dreis monachi buxerie Radulphus et Bernardus monachi firmitatis Bernardus crispus et Hugo de maigneis conuersi firmitatis Guido derochatus et Symon sancti saturnini et Laurentius de puteo canonici sancti simphoriani Hugo de arneto cantor eduensis Nicholaus Seguinus de regniaco et Magister Iohannes canonici eduens[e]s