Charter Document - 06300026
| Charter Number: | 06300026 |
|---|---|
| Cartulary Title: | Recueil des actes du prieuré de Saint-Symphorien Autun de 696 à 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1139 - 1177 |
| Date type: | Assigned |
| Resource Link(s): |
|
Charter:
Patrum precedentium auctoritas nos ammonet et hortatur queque digna memoria ne perpetua obliuione deleantur tam presentibus quam futuris interpretatione scripture commendare Ea propter in nomine sancte et indiuidue Trinitatis uniuersis ad quorum conspectum cartula presens peruenerit significare proposuimus quum Gauterius clericus dimisit et penitus sine spe recuperationis tradidit in manus canonicorum ecclesie sancti Symphoriani quicquid habebat uel in futurum se habiturum sperabat in ecclesia uel de ecclesia Dracei in oblationibus in decimis in pratis et generaliter in uniuersis quecumque ad ius ecclesie pertinent dimisit inquam ea conditione ut ecclesia sancti Symphoriani libere et absque ulla contradictione in perpetuum ea que prefati sumus teneat Acta autem sunt hec in claustro sancti Nazarii in presentia Seuini decani Bertranni cantoris Girardi de Scutiniaco Umberti de Buxolio Achardi Salonis Ugonis Seuini Veranni et preterea in capitulo sancti Symphoriani presente domno Erueo Vngiacensi abbate Ioanne priore sancte Margarite et Ioanne priore sancti Symphoriani et toto pene conuentu