Charter Document - 06300023
| Charter Number: | 06300023 |
|---|---|
| Cartulary Title: | Recueil des actes du prieuré de Saint-Symphorien Autun de 696 à 1300 |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1112 - 1140 |
| Date type: | Assigned |
| Resource Link(s): |
|
Charter:
Nouerint fideles sancte ecclesie tam presentes quam futuri quo ordine controuersia que inter canonicos sancti Symphoriani et Hugonem de Gisseio et Hugonem de Saphra aliquanto tempore fuerat consilio domni Stephani Eduensis ecclesie episcopi ad finem usque peruenit Sancitum itaque fuit a prefato episcopo cuius auctoritas interuenit ad litem hanc dirimendam ut in terra sancti Symphoriani de qua controuersia erat supradicti milites haberent a uillanis cultoribus et habitatoribus terre XV solidos et totidem sextaria annone cuius dimidia pars in frumento cetera uero in auena redderentur in mansis etiam habitatis haberent eodem modo fascem inter fenum et stramentum corueas nihilominus haberet dominus Gissiaci de bubus rusticorum exceptis tamen propriis [bubus] canonicorum huius rei causa haberent tam canonici quam homines eorum in terra predicti Hugonis de Gisseio usum tam in pascuis quam in aquis et in siluis ad ustensilia plaustrorum seu carrucarum et herciarum preter hec autem que scripta sunt nihil omnino habeant suprascripti milites in hominibus uel terris canonicorum Acta sunt hec autem apud Sedelocum in conspectu domini Stephani uenerabilis Eduorum episcopi Huius rei testes sunt Stephanus episcopus Ranulfus Zacharias Vgo canonici Contantinus maior Agerius Esperinus Arbertus et Vlduinus de Illyriaco Gislebertus de Tiliis Raynaldus de Dorna Iurannus Belet et alii multi