Charter Document - 06300022

Quoties eos qui diuino cultui mancipantur in religione christiana Deo adiuuante proficere cognoscimus a nobis qui in ecclesia Dei ministerio qualitercumque pastorali cura uigilamus non solum eis est adgaudendum sed etiam consiliis et auxiliis propensius est subueniendum Quapropter ego Stephanus Eduorum Dei gratia episcopus attendens sancti Symphoriani clericos regularem uitam non solum habitu suscepisse sed et corde eam sequi et opere ne tanti boni expers remaneam aliqua bonorum ecclesie nostre portione religioni statui communicare Communicato igitur clericorum nostrorum consilio predicte sancti Symphoriani ecclesie ad usum uidelicet clericorum regulariter in eadem Deo famulantium donamus concedimus iureque perpetuo habendas firmamus ecclesiam de Draciaco ecclesiam de Beneiis ecclesiam de Anuleio saluis ecclesie nostre reditibus et episcopali authoritate