Charter Document - 06300018
| Charter Number: | 06300018 |
|---|---|
| Cartulary Title: | Recueil des actes du prieuré de Saint-Symphorien Autun de 696 à 1300 |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1055 |
| Date type: | Internal, Feast, Regnal |
| Resource Link(s): |
|
Charter:
Industria compellit secularis et rationabilitas edocet ueritatis ut in adquirendis ex ecclesiastico iure sancto terris quam maxime studeat quisque testamento roborare litterali ne posteritas ipsius iacturam patiatur abolitionis Quapropter ego Helmuinus superna opitulante clementia Heduensis ecclesie presul notum fieri cupio omnibus successoribus nostris tam presentibus quam etiam et futuris quia direxit quidam nobilissimus miles nomine Vmbertus Oldricus Poncio Winicius quosdam fideles logatos ad nostram presentiam postulans renouari sibi quamdam cartam quam dudum adquisierat de quadam terra que attinet ad abbatiam sancti Symphoriani martyris que nunc in nostra dominatione consistit Est autem ipsa terra in pago Geneuense in loco uulgo nuncupatur ad sanctum Faustum in Campania Ego uero predicti militis petitioni assensum tribuens per consilium et deprecationem Hugonis eiusdem cenobii sancti Symphoriani abbatis et per consensum canonicorum ibidem Deo seruientium dedi ipsi ipsam terram et quicquid ad eamdem sancti Symphoriani pertinet terram per cartam firmitatis eo scilicet tenore ut quamdiu uixerint teneant et possideant et in omni anno in solemnitate sancti Symphoriani X solidos in censum persoluant quod si negligentes extiterint legaliter emendent Dedit namque idem miles unum mansum de sua propria hereditate Deo et sancto Symphoriano in eodem pago Geneuense in uilla que dicitur Cormarmea cum seruo nomine Eldicrio et uxore sua et infantibus suis ea uidelicet ratione ut omni anno in festiuitate sancti Symphoriani XII denarios de eodem manso in censum persoluant et post obitum eorum ad locum sancti Symphoriani perueniat Taliter autem hec nostre donationis carta firma et stabilis permaneat Ego Helmuinus propria manu firmaui et abbati Hugoni et canonicis eius firmare rogaui Signum domni Hugonis qui fieri et firmari iussit Signum Walterii decani Signum Warnerii paraphoniste Hugo prepositus Hugo Edituus Hugo Landricus Robertus Manasses Eduinus Arnulfus Hugo Herueus Vmbertus Constantinus Ego Girbertus presbiter sancte Eduensis ecclesie canonicus scripsi et subscripsi in die Veneris in penultimo Aprilis die festo sancti Vitalis anno XXIV regnante Henrico rege