Charter Document - 06300017
| Charter Number: | 06300017 |
|---|---|
| Cartulary Title: | Recueil des actes du prieuré de Saint-Symphorien Autun de 696 à 1300 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 |
| Date type: | Internal, A.D. |
| Resource Link(s): |
|
Charter:
Si preterite importunitatis quodam conamine aliquid castigate ueritatis [solidetur plane] sibi consultum conspicit a quo uiduata dudum demum refertur ad proprium Cuius caritate uallatus ego Henricus superne disponente nutu ducamine pollens omnibus nostri regiminis causam mee dispositionis statuendo resero quoniam spe celesti fidens et peccatorum leuamen adipisci cupiens huiusmodi rationis documentum promulgatum contuli reuocans etiam quasdam capellas ad ecclesiam sancti Symphoriani dicatas unam in honore sancti Petri et alteram in honore sancti Nazarii in comitatu Belnensi in uilla que uocatur Masliniaco et alia que uocatur Bassiaco et in uilla Martiaco clausum indominicatum terminatur ipsa terra de duabus partibus uia et de uno latere terra sancti Quintini Prefatas res suscriptas reddo sancto Symphoriano ob redimenda scelera meorum facinorum et causa anime mee libertatis quod quondam iniqua uiolentia ablate ab eo fuerant ee uero rationis respectu ut memoria mei cum uxore mea Gersindi[s] omni tempore habeatur illic et psalmus Domine exaudi orationem meam primus decantetur pro me et Domine exaudi secundus pro Gersindi[s] mea uxore quotidie cum sollemnitate unius proprie misse singulis dierum recursibus et hoc siue nos uiuentes uel huius corruptionis deposito uelamine perpetuali traditione defixum Itaque reddimus ut semper in quadragesimis diebus ad missa[m] fratrum constituta permaneant sicut prediximus ut intercedente sancto Symphoriano et habitatoribus illius ab omni iniquissima Diaboli potestate liberati eternam requiem mereamur et adiungi cum sanctis Conseruatoribus huius nostri decreti pax et benedictio longiturna uita et gaudium honor laus et gloria absque ullo termino proueniat destructoribus autem sit anathema maranata pars eorum cum Iuda traditore Domini adscribatur et cum Datan et Abyron quos uiuos terra absorbuit reputetur maledictio ire proterue subiacentis Amen Henricus dux Gersindis ducatrix Wauterius episcopus S Anserici S Bodonis militis S Odoini militis S Witfredi S Wauterii S Anxeisi S Anscerii militis S Odonis S Alberici S Bentzelini Ioannes sacerdos scripsit et subscripsit VI idus Madii apud sanctum Symphorianum ad uicem Ioannis cancellarii anno Dominice incarnationis DCCCCXCIII [et abba] regnantibus regibus Hugone et Rotberto