Charter Document - 06300014
| Charter Number: | 06300014 |
|---|---|
| Cartulary Title: | Recueil des actes du prieuré de Saint-Symphorien Autun de 696 à 1300 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0980 - 0987 |
| Date type: | Assigned |
| Resource Link(s): |
|
Charter:
Si preterite importunitatis quodam aliquid conamine castigate ueritatis solidetur plane sibi consultum conspicit a quo uiduata dudum demum refertur ad proprium Cuius caritate uallatus ego Heyndricus superne disponente nutu ducamine pollens omnibus nostri regiminis causam mee dispositionis statuendo resero [quoniam] spe celesti fidens et peccatorum leuamen adipisci cupiens huiusmodi rationis documentum promulgatum contuli reuocans etiam quamdam capellam ad ecclesiam sancti Symphoriani dicatam in honore sancti Vierani in fine Caldiniaco sitam cum omni terra que adiacet in ipsa uilla pertinens ad iam dicti sancti domicilium quod est propre ciuitatem Aeduam constructum terras scilicet prata campos syluas salua integritate quesitum et adquirendum partim in Cauilonensi partim Belnensi pago cum mansis neus et uineis cum quibuscumque ad ipsam uillam pertinentibus exitibus et regressibus sicut iam dictum est quesitum et adquirendum uidelicet sicut quondam Salomon prepositus tenuerat ex eodem loco totum et integrum Reddo illa sancto Symphoriano ob redimenda scelera meorum facinorum et causa anime mee libertatis quod quondam iniqua uiolentia ablatum ab eo fuerat ee uero rationis respectu ut memoria mei omni tempore habeatur illic et psalmus Domine exaudi orationem meam secundus pro me decantetur quotidie cum solemnitate unius proprie misse singulis dierum recursibus et hoc me uiuente vel huius corruptionis deposito uelamine perpetuali traditione defixum Itaque reddo ut semper ad missam fratrum constituta permaneat sicut predixi ut intercedente sancto Symphoriano et habitatoribus illius ab omni iniquissima Diaboli potestate liberatus eternam requiem cum sanctis Paradisi possideam Est autem prenominata capella constructa in pago Cabilonensi in uilla ipsa Caldoniaco Dans ut habeant habitatores sancti Symphoriani potestatem ad faciendum quicquid uoluerint sine contradictore ad cuius confirmationis fidem etiam diuine ultionis iaculo confodere uolui sub auctoritate pontificali per manum episcopi Walterii ut si deinceps quisquam huic restiterit pars eius ultrici flammarum horrore gehennale adepta incendium tartareis foueatur pastibus Et ut stabilior constet firmaui ceterosque subfirmare iussi S Heyndrici ducis S Wauterii episcopi S Artebaldi Flandrici S Walonis S Wilelmi comitis S Eirlei S Gisleberti S Gauzfredi S Aymonis comitis S Wilontii S Niuardi S Aucherii Achardus monachus scripsit datavit in atrio sancti Symphoriani iussu ducis et domni abbatis Andree ob deprecationem canonicorum die dominico in mense Aprili regnante Ludouico rege