Charter Document - 06300011
| Charter Number: | 06300011 |
|---|---|
| Cartulary Title: | Recueil des actes du prieuré de Saint-Symphorien Autun de 696 à 1300 |
| Charter Language: | Latin |
| Charter Origin: | Religious |
| Charter Type(s): | Exhortation |
| Date: | 0972 |
| Date type: | Internal, A.D., Calendar |
| Resource Link(s): |
|
Charter:
In nomine eterne indiuidueque Trinitatis Cultus et priscorum sanctorum uestigia sectando domno Girardo summo eximioque pontifici Isuardus expetiit paternitatem sciens quia omnipotens Deus preterita obliuisci concedit Latebant quedam sancti Symphoriani precipue ecclesie uestre in nostris partibus ignota et nobis Ego hactenus aliquid possidens sine uestro dono et ideo recognoscens fidei ueritatem deprecor uestram clementiam quia ego ignotus sacratissime maiestati uestre ut si aliqua incupitatio exinde apud me deget absoluatur per uestrum ministerium potestatem et gratiam Quamobrem quia tam diu solers quamuis extra uestram licentiam cum sagacitate et labore meo ea exercui dabo uobis auri dimidiam libram eo modo ut per uestrum donum deinceps teneam et possideam proximisque heredibus meis et cui uoluero derelinquam talique uero ratione ut ad tertium annum persoluatur exinde ecclesie uestre census uel pondere uel pretio directo legato uestro ad nos ualente solidos X Et dum euen[er]it humane nature debitum uobis soluere et alius episcopus locum uestrum subrepserit in primo anno in erario sancte sedis Ostudunensis predicti sancti Symphoriani martyris et ipsius episcopi propter ipsas terras predictas sancti Symphoriani et uestras que sunt in comitatibus Auenionense et Cauellico ut firmius teneantur a nobis et heredibus nostris de moneta nostra libra una persoluatur uel restituantur Vestre ideo largiflue pietati scribere feci ut de seruolo me quidem uestro aliqua misericordie consolamina quia indignus sum quantum ad nos pertinet si perperam egi uel moleste contra uos statui spes mei recuperandi est in uobis sicut scitis per ministerium uestrum quia in quadra uiget almitas uestra Vt altius stabiliatur deprecor uos ut potenti manu uestra uestrisque sacris clientibus firmetur titulus iste et indulgeantur potenti pietati uestre nexa a nobis [] Sane si quis ego Girardus episcopus aut ullus de successoribus meis qui [contra] hoc testamentum agere uoluerit uel eum irrumpere presumpserit non ualeat uindicare quod repetit sed restituat uobis per uinculum tantum et aliud tantum quantum ipse res ulloque tempore meliorate ualere potuerint et in antea scriptura ista firma et roborata et in omni tempore stabilis permaneat cum stipulatione interposita firmitate subnixa Actum feria III XVIII kalendas Augusti anno Domini DCCCCLXXII indictione XV regnante quidem rege Gondrando