Charter Document - 06300009
| Charter Number: | 06300009 |
|---|---|
| Cartulary Title: | Recueil des actes du prieuré de Saint-Symphorien Autun de 696 à 1300 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 0961 |
| Date type: | Internal, A.D. |
| Resource Link(s): |
|
Charter:
Transmissio excommunicationis Anno incarnationis dominice DCCCCLVIII indictione tertia imperante Michele imperatore Constantinopoli domno autem Ioanne apostolico Rome presidente regnante uero Lothario Francorum rege transmissa est hec excommunicatio archiepiscopis Francie et Burgundie Artaldo Remensis ecclesie archiepiscopo et subiectis sibi episcopis Amblardo Lugdunensis ecclesie archiepiscopo Rodmundo Eduensis ecclesie episcopo Achardo Lingonensis sedis episcopo Frotgario Cabilonensis ecclesie episcopo Natranno Niuerniensi episcopo Richardo Autissiodorensi episcopo de terra et alodo sancti Fausti et sancte Auguste et sancti Symphoriani que est in regione Prouincie in finibus loci qui uocatur Magna quam tenet per potestatem Isuardus et socii eius Excommunicatio Auctoritate Patris et Filii et Spiritus Sancti et ordine omnium sanctorum et nostra communi excommunicatione alligamus et anathematizamus Isuardum et omnes socios eius qui tenent terram sancti Symphoriani ut nullus eorum postquam hoc audierit ecclesiam non intret missam non audiat pacem cum christiano non faciat neque manducet neque bibat neque dormiat et si infirmauerit non uisitetur et si mortuus non sepeliatur neque pro eo oretur nisi ad emendationem et satisfactionem uenerit