Charter Document - 06300005

In nomine sancte et indiuidue Trinitatis Rodulphus misericordia Dei rex Si locis sacris et diuinis cultibus mancipatis aut sua confirmando aut substracta restituendo opem nostre serenitatis accommodamus hoc procul dubio ad utriusque uite emolumentum nobis profuturum non dubitamus Quamobrem nouerit omnium sancte Dei ecclesie fidelium et nostrorum presentium scilicet et futurorum generalis unanimitas quoniam uenit ad nos Hermoldus uenerabilis prepositus ex cenobio sancti Symphoriani quod est situm in suburbio Aedue ciuitatis una cum quibusdam clericis eiusdem congregationis ostendens nobis qualiter quedam ecclesia illorum usibus destinata sita in comitatu Belnensi in uilla Alciaco sacrata in honore memorati martyris Christi sancti Symphoriani quorundam prauitate ab eorum generalitate fuerat olim iniuste substracta et legali ducum iudicio sepe reddita pro quo nostris diebus inter eos et milites qui prenominate uille beneficium tenebant crebra habebatur dissentio Quod diligenter nos inquirere iubentes et iustam querelam suprascriptos canonicos habere liquido perspicientes ob amorem Dei et ad deprecationem Ansegisi uenerabilis episcopi et Adsonis fidelis nostri iuxta inscriptiones quas pre manibus tenebant per hoc nostre restitutionis preceptum illis reddidimus et ut amodo ab ipsa congregatione nullus subtrahere presumat regia auctoritate indulsimus sed sicut reliqui fideles regni nostri beneficiorum suorum ecclesias dare iuste solent ita isti una cum consensu proprii episcopi liberam habeant largiendi potestatem Similiter et reliquas res tam preceptis predecessorum nostrorum concessas et roboratas quam etiam a fidelibus Dei eidem congregationi pro animarum remedio largitas iure suprascripto eis inuiolabiliter tenendas confirmamus quatenus hac nostra protectione sustentati atque defensi ualeant serui Dei pro nostra ac nostre coniugis Imme absolutione liberius Domini misericordiam implorare Vt autem hoc nostre institutionis preceptum pleniorem in Dei nomine obtineat firmitatis uigorem manu propria illud firmantes anuli nostri impressione subter iussimus insigniri Actum apud Augustodunum ciuitatem feliciter in Domino Amen Signum Rodulphi regis gloriosissimi Raynardus notarius ad uicem Abbonis episcopi dictauit Data pridie kalendas martii indictione duodecima anno primo regnante Rodulpho rege glorioso