Charter Document - 06290023
| Charter Number: | 06290023 |
|---|---|
| Cartulary Title: | Chartes anciennes du Prieuré de Monmouth en Angleterre au diocése d'Hereford, membre de l'abbaye Bénédictine de Saint-Florent prés Samur |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1148 - 1163 |
| Date type: | Assigned |
| Resource Link(s): |
|
Charter:
Quidam autem nobilis homo Huo filius Richardi de Hattuna precibus venerabilis conjugis sue Margarite et dilectione domni Rodberti obedientie Monemute prioris predicte Margarite filii ipsius vero Huonis filiastri Deo et abbati Sancti Florentii de Salmuro donavit ob salutem anime sue ecclesiam Sancti Michaelis de Claverduna cum universis appenditiis suis hoc est cum omnibus decimis et capellis ad ipsam pertinentibus videlicet capella Langeleie capella Wlwarditune capella Nortunie cum terra que antiquitus eidem ecclesie dinoscitur adjacere Preter ista predictus Huo prefate abbatie in eadem villa plenariam charrucatam terre et prope eandem ecclesiam terram quandam ad faciendas granchias et ortum et prope hanc eandem terram quandam aliam terram ad homines hospitandos monachorum et quoddam vivarium cum molendino in ipso vivario sito liberrime et absque omni customa donavit Si quis autem de hominibus ejusdem Huonis in eadem villa manentibus unam vel duas acras terre supradicte abbatie salvo servicio domini donare voluerit habeat facultatem donandi Et monachi in eadem villa manentes et eorum homines et in silvis et in campis et ubi ubi habeant pasturam communem cum peccudibus domini et boscos accipiant ad voluntatem suam ad omnes necessitates suas adimplendas preter vendere et exartare et sint monachi quieti omnino a pannagio et ab omni consuetudine