Charter Document - 06290019
| Charter Number: | 06290019 |
|---|---|
| Cartulary Title: | Chartes anciennes du Prieuré de Monmouth en Angleterre au diocése d'Hereford, membre de l'abbaye Bénédictine de Saint-Florent prés Samur |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1148 - 1163 |
| Date type: | Assigned |
| Resource Link(s): |
|
Charter:
Quoniam servis Dei duobus modis succurrendum est et exhibicione beneficii et contra omnia impedimenta probatione munimenti noverint moderni et posteri quod ego Rogerius comes Herefordensis quod mei juris erat in ecclesia Sancti Andree de Aura scilicet dominium cum omnibus ad prefatam ecclesiam ecclesiastico jure in quolibet rerum genere pertinentibus et terram quandam que Anglica lingua Haiward vocatur in perpetuam elemosinam liberam et absolutam ab omni exactione et vexatione terreni domini monachis sancte Marie de Monemuda donavi pro anima patris mei Milonis et salute mea et amicorum meorum et pro anima Rodberti filii Hugonis qui supradictam ecclesiam eisdem monachis me consentiente donavit quique prefatum manerium de patre meo et de me tenuit et militari officio deservivit et predictam terram mari Savernie abstulit et circumvallavit et postea ut proprium laborem suum supranominatos monachos factus eorum monachus investivit Preterea eandem viam eundi ad terram predictam et redeundi quam viam Rodbertus filius Hugonis solitus habere fuerat predictis monachis concessi et donavi Hanc siquidem donationem in manu Gilleberti episcopi Herefordensis per aureum anulum posui rogans quod dederat episcopali auctoritate muniri et nichilominus scripto meo et sigillo apposito confirmavi subjungens testes qui affuerunt presentes videntes et audientes Gillebertus episcopus Herefordensis Rotbertus prior Monemud Galfridus de Spiniauc et Radulfus clericus Badero de Munemud et uxor ejus Roheis et Mauricius de Hereford