Charter Document - 06290013
| Charter Number: | 06290013 |
|---|---|
| Cartulary Title: | Chartes anciennes du Prieuré de Monmouth en Angleterre au diocése d'Hereford, membre de l'abbaye Bénédictine de Saint-Florent prés Samur |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1131 - 1140 |
| Date type: | Assigned |
| Resource Link(s): |
|
Charter:
Quia per oblivionem et ignorantiam elemosine fidelium trahuntur in calumpniam et controversiam ego Ricardus de Cormeliis his incommodis volens obviare opere pretium duxi presentibus et posteris scripto et sigillo notum facere me monachis de Monemuta quod mei juris erat in ecclesia de Tadintona scilicet dominium cum omnibus que ad prefatam ecclesiam ecclesiastico jure pertinent nichil penitus retinentem de decima dominii mei vel villanorum in quolibet genere rerum liberam et absolutam pro anima patris mei in perpetuam elemosinam donavisse et jura capellanie mee ex toto eis dimisisse fratribus meis Roberto et Alexandro consentientibus et volentibus Quam siquidem donationem assertione presentium corroboro et nominibus testium suppositis communio De monachis Goffredus Parvus tunc temporis prior Bruno Elias de clericis Guido capellanus et Gaufredus capellanus Lambertus de Troia Rogerus magister de laicis Badero et ejus uxor Rohes Ricardus de Rochevilla Johannes de Sancto Tedeoco Rogerus de Sancto Mauro Ut autem pretaxate ecclesie donatio cum ceteris supradictis legitime et firmiter fieret eam in manu domini Roberti Herefordensis episcopi posui et in frequenti capitulo videntibus et audientibus qui aderant per textum sancti evangelii super altare donavi nichil ut supradixi pretermittens neque de feno neque de gardinio neque de ceteris que debent decimari