Charter Document - 06290007
| Charter Number: | 06290007 |
|---|---|
| Cartulary Title: | Chartes anciennes du Prieuré de Monmouth en Angleterre au diocése d'Hereford, membre de l'abbaye Bénédictine de Saint-Florent prés Samur |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1100 |
| Date type: | Assigned |
| Resource Link(s): |
|
Charter:
Dedit preterea Willelmus filius Baderoni quandam terram super ripam Mune sitam terram videlicet Willelmi cognomine Sapientis beatissime virgini Dei genitrici Marie sanctoque Florentio in dedicatione videlicet ecclesie ejusdem virginis Marie Hujus siquidem doni testis est Herveus Bangornensis episcopus qui eandem dedicavit ecclesiam Testis est etiam hujus donationis Bernardus regis capellanus qui tunc temporis jussu regis Henrici episcopatum Herefordensem custodiebat Testis est denique Heinfridus archidiaconus Walcerus canonicus Gunfredus Ketelbernus presbiter et canonicus Haraldus de Ewias Hamelinus de Balaon Walterius vicecomes Eutropius Harscotus Musardus de hominibus Willelmi Paganus frater ejus Robertus filius Bernardi Evennus Trouet Hugo dapifer et alii plures Hanc igitur cartam et omnes donationes quas superius denotavimus concesserunt et auctorizaverunt Willelmus filius Baderoni et Hadewis uxor ejus et filie eorum Iveta videlicet et Advenia in conspectu Willelmi abbatis Sancti Florentii et Serlonis abbatis et in conspectu monachorum suorum quorum ista sunt nomina Wihenocus monachus Unbaldus Donatus Rannulfus Gislebertus Maino Samuel De monachis Serlonis abbatis Walterius de Laceio Restoldus et alii Teodericus monachus de Cormailis Odo monachus Hec etiam donaverunt et concesserunt in conspectu omnium tam clericorum quam laicorum qui ad dedicationem superius dictam adfuerunt Hec igitur donatio sive concessio per cultellum facta fuit quem fregit Bernardus capellanus regis sub pede suo quia manibus frangere non potuit per quem cultellum supradictus Willelmus filius Baderoni et uxor ejus et filie eorum super altare positum hanc elemosinam firmaverunt et in testimoniis futuris signaverunt Has cruces fecerunt domina Hadewis et filie ejus Iveta videlicet et Advenia