Charter Document - 06290001
| Charter Number: | 06290001 |
|---|---|
| Cartulary Title: | Chartes anciennes du Prieuré de Monmouth en Angleterre au diocése d'Hereford, membre de l'abbaye Bénédictine de Saint-Florent prés Samur |
| Charter Language: | Latin |
| Charter Origin: | Lay |
| Charter Type(s): | Foundation |
| Date: | 1069 |
| Date type: | Assigned |
| Resource Link(s): |
|
Charter:
Wihenocus de Monemue omnibus hominibus et amicis et vicinis suis universis sancte matris ecclesie filiis et fidelibus tam futuris quam presentibus salutem Notum sit diligentie vestre quod ego Wihenocus divino animatus instinctu et consilio Dei et militum et hominum meorum id ipsum a me expostulantium ad honorem Dei et sancte Marie et sancti Florentii pro salute anime mee et parentum meorum struxi in castro meo de Monemue ecclesiam eamque in perpetuam elemosinam dedi monachis Sancti Florentii de Salmuro unde evocavi monachos ad predictam ecclesiam meam inhabitandam Et ut ibi Deo servituri regulariter viverent dedi eis diversas possessiones tam in agris quam in ecclesiis et decimis videlicet ecclesiam Sancti Cadoci juxta castrum meum sitam in fundo et dominio meo ubi primum monachi prefati antequam ecclesia Monemue perficeretur aliquandiu inhabitaverant ecclesiam Sancti Wingalrei ecclesiam de Rochevilla ecclesiam de Langradoc ecclesiam de Bichenoura Walensi ecclesiam de Westhopa ecclesiam de Eilildehopa cum capella de Hunteleia ecclesiam de Tibertona et tres carrucatas terre juxta castrum Monemue et unam carrucatam in Lancadoc et unam carrucatam terre in Suentona et duas partes omnium decimationum in maneriis meis tam de dominio meo quam de dominio militum meorum in suis maneriis vel terris et decimas omnium molendinorum meorum et decimam totius census mei Has donationes sigillo meo et presenti scripto confirmo eis possidendas in perpetuum Horum testes sunt Baderon frater meus Willelmus Yvin Robertus Paganus Ywen Troue filii Baderonis Raterius Robertus filii Bernardi Galerandus Ingelerius Hugo Bos Randulfus de Rochevilla Randulfus de Tibertona Salomon Reinaldus Grossus