Charter Document - 06280446
| Charter Number: | 06280446 |
|---|---|
| Cartulary Title: | Cartulaire de l'Abbaye de Conques en Rouergue |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1086 |
| Date type: | Assigned |
| Resource Link(s): |
|
Charter:
R Dei misericordia Linguonensis ecclesie presbyter religioso sancte Fidi abbati dilectiones in Domino Quum frater karissime ordini nostro congruit viros seculares in eo quod necessarium est anime karitative redarguere et ad ea que salutis sue conveniunt in quantum valemus reducere dignum duximus si quid boni Deo donante faciunt non tantum laudare sed de bene actis Deo gratias agendo congratulari et confirmare Nos igitur elemosinam illam quam domnus Guido de Granceia in comitatu de Saltio ecclesie vestre contulit cum de nostro existat beneficio consilio et consensu ecclesie Linguonensis laudamus et litteris istis assensum testantibus corroboramus S Amalrichi decani Hugonis archidiaconi Guirardi de Granceio S Rainerii de Notiantio Stephano attestante archidiacono