Charter Document - 06280445
| Charter Number: | 06280445 |
|---|---|
| Cartulary Title: | Cartulaire de l'Abbaye de Conques en Rouergue |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1086 |
| Date type: | Internal, A.D. |
| Resource Link(s): |
|
Charter:
In nomine Domini Ego Wido comes de Saltia gratia Dei una cum consilio R Linguonensium episcopi et clericorum ejus nec non et consilio nobilium virorum meorum pro salute anime mee et omnium parentum meorum dono locum illum qui dicitur Cavanni ad allodium cum omnibus appenditiis cum terris cultis et desertis cum silvis et pratis sancto Salvatori et sancte Fidi de Conchas et abbati Stephano et monachis presentibus et futuris de Conchas Et habet terminum istud allodium usque Allais de Homine Mortuo et alius terminus est usque ad illam villam que dicitur Curtils et alter terminus usque ad illum locum qui dicitur Longa Prata Quiquid infra hos terminos visus sum habere vel quiquid laboraverint alieni homines qui ibi pro amore sancte Fidis habitare voluerint vel mei servi vel mei homines terciam partem et decimum et omne servitium quod mihi debuerant facere totum dono et derelinquo sancto Salvatori et sancte Fidi de Conchas sicut superius scriptum est Similiter dono alium locum qui dicitur Goies sancto Salvatori et sancte Fidi de Conchas et predicto abbati suisque successoribus cum omnibus appenditiis cum terris ad me pertinentibus cultis et desertis pratis silvis et terciam partem decimi que pertinet ad me et omne servitium meorum hominum qui infra hos terminos habitaverint vel laboraverint et nihil ad meum opus retineo sed totum hoc pro peccatis meis dono sancte Fidi et habitatoribus de Conchas Facta carta ista anno ab incarnatione Domini millesimo octuagesimo sexto in mense julio indicione nona feria VII regnante Phylippo Francorum rege S Gwidoni comitis qui cartam istam scribere vel affirmare rogavit S Stephani S Rainoni S Poncii S Galterii Olarii