Charter Document - 06261007

Edwardus Dei gratia Rex Anglie Dominus Hibernie et Dux Aquitanie archiepiscopis episcopis Abbatibus et Prioribus Ducibus Comitibus Baronibus Justiciariis Vicecomitibus Prepositis Ministris et omnibus Ballivis et fidelibus suis ad quos presentes littere pervenerint salutem Sciatis quod in recompensationem situs quondam Abbathie de Aberconwey et terrarum adjacentiis et Grangim de Crethyn cum pertinentiis ad eandem Abbatiam tunc spectantium quas Abbas et conventus loci ejusdem in manus nostras reddiderunt dedimus et concessimus et hac carta nostra confirmavimus predictis Abbati et Conventui ordinis Cisterciensis quorum Monasterium postmodum de novo apud Maynam in honore omnipotentis Dei et beate Marie et omnium sanctorum pro salute anime nostre et animarum omnium antecessorum et heredum seu aliorum successorum nostrorum fundavimus predictam villam de Maynan cum pertinentiis quam una cum quibusdam aliis terris Henrico de Lacy comiti Lyncoln et heredibus suis et quam ipse idem comes postmodum quietam de se et heredibus suis in manus nostras reddidit Et etiam centum et decem et septem solidatas et octo denariatas terre quas Meducus grath et gornonen frater ejus et quindecim solidatas terre quas Rogerus Borun et decem solidatas terre quas Tuderius ap Carweit tenuerunt in eadem villa de Maynan et quas in manus nostras quiete similiter reddiderunt habendum et tenendum prefatis Abbati et Conventui et eorum successoribus in eodem Monasterio Deo et beate Marie servituris cum omnibus suis pertinentiis in liberam puram et perpetuam elemosinam Concessimus etiam eisdem Abbati et conventui omnes rationabiles donationes terrarum Ecclesiarum hominum et Elemosinarum eis a quibuscumque jam collatas et imposterum conferendas vel adquirendas Quare volumus et firmiter precipimus pro nobis et heredibus nostris quod predicti Abbas et Monachi et eorum successores habeant et teneant villam terras et redditus predictos cum omnibus libertatibus et liberis consuetudinibus ad eos spectantibus ut in boscis pratis pascuis pasturis molendinis stagnis vivariis piscariis viis aquis semitis et mariscis per metas et bundas subscriptas videlicet ascendendo de Conwey versus montes Abercambwll ubi descendit fluvius qui appellatur Cumogan in flumine de Conwey et ascendendo per illum fluvium de Cingonan usque ad fontem de Tangwre et de fonte illa per viam magnam directe usque ad Rytyllwydieirth et exinde per rivulum parvum usque ad fluvium de Gwydenging et sic ascendendo per illum fluvium usque ad rivulum parvum qui descendit de Dewlwyn et inde usque Grasiwychwydant et sic directe usque Pwlt in medio Gwenngennarwan et deinde usque Pwfl in medio y Gwenndv bythyne et sic usque dynon yr heol deinde moram Kelerth deinde usque Clawd juxta domos fabrorum deinde usque ad caput Grw y ranallen exinde usque ad flumen Gretlyn deinde usque ad Wennbowys et sic iuxtatus eweii bowys usque pull bndir et exinde usque Nantuwrath et deinde descendendo usque ad moram que dicitur Gwennce et deinde usque y bwlchcho deinde usque ad maram que est inter Gwernnelanc et Garthgynnanuelt et deinde usque ad aquam que appellatur Balenllechane et sic per illam aquam usque longum vadum deinde usque ad moram que appellatur Gwerunvenan et sic per quendam rivulum usque Pull y don usque Conwey et filum aque Conwey usque ad Avercambwll Et quod habeant omnes racionabiles donationes terrarum Ecclesiarum Hominum et Elemosinarum eis a quibuscumque jam eis collatas et in posterum conferendas vel adquirendas bene et in pace libere et quiete integre plenarie et honorifice cum sok et sak tol et them infangtheff et outfangethef hamesok gridbruigha Bolwyke fiythwyth fierewyth hengwith leirwyth flemfrid murdredo latrocinio forstall hordef et horest infra tempus et extra et in omnibus locis et cum omnibus causis que sunt et esse possunt concedimus etiam quod predicti Abbas et Monachi quieti sint imperpetuum de omnibus misericordiis et quod ipsi et omnes homines et tenentes sui liberi sint et ab omni Scotto et Gildo et omnibus auxiliis Regis Vicecomitum et omnium Ministerialium eorum et de hidagio carucagio danegeld hornegeld et exercitibus scutagiis talagiis lestagiis stallagiis siris et assisis et assartis de wasto nemorum de meremio cariando de armis portandis de thesauro portando de chaciis establiis scotaf regis de purprestura hundred wapentachiis placitis et queret ward et wardpeni auerpeny hundredespenya borthalpeny Trithingpeny de operibus castellorum parcorum pontium et de clausuris et omni cariagio summagio navagio passagio muragio et dominium regalium edificatione et omnimoda operatione Et prohibemus ne bosci eorum ad predicta opera vel ad aliqua alia capiantur et similiter ne blada illorum vel hominum suorum ad castella munienda capiantur concedimus etiam quod omnia tenementa ipsorum tam in bosco quam in plano sint deafforestata et extra omnem potestatem forestariorum Precipimus etiam quod predicti Abbas et Monachi et homines et tenentes sui liberi sint et quieti ab omni theoloneo in omni foro et in omnibus nundinis et in omni transitu pontium viarum et maris et per omnem potestatem nostram et per omnes terras nostras in quibus eis libertatem dare possumus et omnia mercata sua et hominum suorum sint similiter in predictis locis ab omni theloneo quieta Et quod naves eorum dem Abbatis et Monachorum liberum transitum per omnem potestatem nostram habeant absque omni exactione et consuetudine concedimus etiam et confirmamus eisdem Abbati et Monachis quod si aliquis hominum suorum pro delicto suo vitam vel membra debeat amittere vel fugerat in judicio stare noluerit vel aliud delictum fecerit pro quo catalla sua debeat perdere ipsa catalla sint predictorum Abbatis et Monachorum similiter si aliquis hominum suorum sit amerciatus erga nos vel Ballivos nostros pro quacumque causa vel delicto vel forisfacto amerciamenta dictis Abbati et Monachis reddantur servata regie potestati justitia mortis et membrorum Hec omnia predicta et omnes alias quietantias libertates et liberas consuetudines que in hoc scripto comprehenduntur et liberiores que domui aliquo religiosa referri possunt concedimus predictis Abbati et Monachis pro dei amore et gloriose virginis Marie et pro salute anime nostre et omnium antecessorum et heredum nostrorum in liberam et puram Elemosinam imperpetuum Et prohibemus super foris facturam nostram quod nullus eisdem Abbati et Monachis vel hominibus suis contra hanc Cartam nostram foris faciat sub pena viginti librarum quia ipsos et omnes res et omnes possessiones suas et hominum suorum in custodiam et protectionem nostram recepimus Et prohibemus ne ipsi Abbas et Monachi ponantur in placitum super aliquo tenemento suo nisi coram nobis vel heredibus nostris Hiis testibus Datum per manum nostram apud Caren xxiij die mensis octobris Anno regni nostri xij