Charter Document - 06260005
| Charter Number: | 06260005 |
|---|---|
| Cartulary Title: | Register and Chronicle of the Abbey of Aberconway |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1284 |
| Date type: | Internal, Calendar, Regnal |
| Resource Link(s): |
|
Charter:
Edwardus Dei gratia Rex Anglie Dominus Hybernie Dux Aquitanie Omnibus ad quos presentes litere pervenerint Salutem Sciatis quod cum venerabilis pater Anianus Assaveii episcopus pro se et successoribus suis ad instantiam nostram dederit et concesserit dilectis nobis in christo Abbati et Conventui Monasterii de Aberconwey et eorum successoribus quod quidem Monasterium nunc est situm Maynan Advocationem Ecclesiam de Eglwyswath que ad prefatum Episcopum pertinuit prout in scriptis dictis Abbati et Conventui inde confecto plenius continetur Nos dicto episcopo donationem illam compensare volentes dedimus et concessimus eidem advocationem Ecclesia de Ruthlande habendam sibi et successoribus suis imperpetuum absque reclamatione nostri vel heredum aut successorum nostrorum quorumcumque ita tamen quod si nos vel heredes aut successores nostros quascumque contingat advocationem predicte Ecclesia de Ruthlande ab ipso episcopo vel successoribus suis casu aliquo retractare licet prefate Episcopo et successoribus suis Advocationem predicte Ecclesie de Eglwys Wath a prefate Abb et Conventu totaliter revocare In cujus rei testimonium has litteras nostras fieri fecimus patentes Teste meipso apud Aberconwey decimo die octobris Anno regni nostri duodecimo
Source (click image below to view full size)
