Charter Document - 06251405
| Charter Number: | 06251405 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Religious |
| Charter Type(s): | Confirmation, Grant |
| Date: | 1193 - 1199 |
| Date type: | Assigned |
| Resource Link(s): |
|
Charter:
Omnibus S[ancte] ec[clesie] f[iliis] p[resentibus] e[t] f[uturis] Morganus filius Caradoci salutem Sciatis me consilio et consensu heredum et amicorum meorum concessisse et dedisse et hac carta confirmasse D[eo] et ec[clesie] S[ancte] M[arie] de Margan et monachis qui i[bidem] D[eo] serviunt in puram et perpetuam elemosinam totam terram de Rossaulin cum omnibus pertinentiis in bosco et plano in pratis et pasturis in aquis et in omnibus aliis aisiamentis suis per has divisas scilicet quicquid continetur inter aquam que dicitur Wrach et aquam que dicitur Cleudachcumkake et inter aquam de Neth et viam magnam que vadit per montana de Torbethel usque ad Glinwrach et omnes commoditates aque de Neth inter duas aquas prenominatas scilicet Wrach et Cleudachcumkake et communem pasturam tocius terre mee in montanis inter Avenam et Neth Ad habendum et tenendum libere et quiete ab omni servicio et consuetudine et exactione seculari sicut ulla elemosina liberius haberi et teneri potest Et hoc totum warantizabimus eis ego et heredes mei contra omnes homines inperpetuum Et hec omnia me fideliter et firmiter tenere super sacrosancta juravi pro me et heredibus meis Teste domino Henrico Landavensi episcopo Nicholas Gobion Helia decano de Novo Castro Ricardo decano de Bonevilla Henrico presbitero de Brigtune Ruathlan et Mauricio fratribus ejus Willelmo filio Alewini David Puignel
Source (click image below to view full size)
