Charter Document - 06251082

De temporalibus episcopatus Landavensis tempore vacationis habendis Rex omnibus ad quos [] salutem Sciatis quod cum celebris memorie Dominus Edwardus quondam Rex Anglie pater meus dudum exegisset et vendicasset versus Gilbertum de Clare tunc comitem Gloucestrie et Hertfordie advocationem et custodiam episcopatus Landavensis necnon et omnium terrarum et tenementorum ad episcopatum illum spectantium in dominio seu feodo ipsius comitis existentium una cum collationibus prebendarum et dignitatum ejusdem tempore vacationis episcopatus illius Et idem comes id quod ad ipsum pertinuit de advocatione et custodia episcopatus predicti una cum collationibus prebendarum et dignitatum ejusdem tempore predicto eidem patri nostro reddiderit ut jus suum ac idem pater noster secundo die Novembris anno regni sui decimo nono volens prefato comiti et Johanne uxori sue filie sue gratiam in hac parte specialem concesserit eis pro se et heredibus suis custodiam episcopatus predicti necnon omnium terrarum et tenementorum ad episcopatum illum spectantium et in dominio seu feodo ipsius comitis existentium Habendum et tenendum eisdem comiti et Johanne ad totam vitam eorundem adeo libero integre et honorifice in omnibus exitibus et proficuis et aliis predictum episcopatum in dominio seu feodo predicti comitis tempore vacationis ejusdem tangentibus una cum collationibus dignitatum et prebendarum ejusdem tempore illo sicut idem comes vel antecessores sui custodiam episcopatus illius hujusmodi tempore unquam plenius liberius et quietius habuerunt et tenuerunt ante red[d]itionem predictam Ita tamen quod post decessum eorundem comitis et Johanne custodia episcopatus predicti necnon et omnium terrarum et tenementorum predictorum una cum collationibus prebendarum et dignitatum ejusdem tempore vacationis episcopatus illius ad ipsum patrem nostrum et heredes suos integre reverteretur Salvo eidem patri nostro et heredibus suis in singulis vacationibus episcopatus predicti fidelitate ipsius quem in episcopum ejusdem loci contigerit confirmavi sicut per inspectionem rotulorum cancellarie dicti patris nostri nobis constat at predicti comes et Johanna jam diu dies suos clauserint extremos Nos attendentes que damna ecclesia Landavensis predicta per vastum et destructionem boscorum et nemorum ac aliorum ad episcopatum Landavensem pertinentium temporibus vacationis ejusdem per escaetores seu alios custodes episcopatus illius preter nostram et heredum nostrorum conscientiam et voluntatem pati posset in futurum volentes ob specialem devotionem quam ad beatos apostolos Petrum et Paulum in quorum honorem dicta ecclesia est fundata et grandem affectionem quam ad venerabilem patrem Johannem episcopum loci illius intime gerimus indempnitati ecclesie predicte in hoc parte providere concessimus eidem episcopo et capitulo dicte ecclesie Landavensis pro nobis et heredibus nostris quod idem capitulum in singulis vacationibus episcopatus predicti quotiens videlicet ipsum episcopatum ex nunc vacare contigerit habeat et teneat custodiam episcopatus illius et omnium temporalium ejusdem cum omnibus pertinentiis sede plena aliquibus retroactis temporibus habere et tenere consueverunt vel nos aut heredes nostri custodiam illam cum omnibus rebus et bonis predictis temporibus vacationem illarum habere possemus vel deberemus si in manum nostram vel heredum nostrorum retenta fuissent Ita quod dictum capitulum et temporalibus bonis et rebus predictis plenam et liberam administrationem habeat et omnia emolumenta percipiat ac inde disponere et ordinare possit prout ei melius et utilius videbitur faciendum Et prout episcopi loci illius inde possent fecere ordinare et disponere sede plena ac nos vel heredes nostri inde facere possemus temporibus vacationum predictarum Salvis nobis et heredibus nostris feodis militum si qui teneantur de episcopatu predicto et advocationibus ecclesiarum cum acciderint temporibus vacationum predictarum ita quod omnes redditus et servicia annua de feodis predictis in vacationibus illis provenientia remaneat capitulo ecclesie supradicte Salvis etiam nobis et heredibus nostris escaetis que accidere contigerint temporibus predictis que quidem escaete singulis ejusmodi vacationibus finitis videlicet post fidelitatem ipsius quem ibidem eligi et confirmari seu prefici contigerint in episcopum nobis vel heredibus nostris factam liberentur et remaneant eidem episcopo et successoribus suis episcopis illius loci imperpetuum sine occasione vel impedimento nostri vel heredum nostrorum quorumcunque reddendo nobis et heredibus nostris pro qualibet vacatione episcopatus illius si per unum annum integrum duraverit quatuor viginti et tres decim libras novem solidos et octo denarios ad quos episcopatus loci illius taxatur annuatim et si vacatio episcopatus predicti duraverit ultra unum annum tunc capitulum ecclesie illius pro rata temporis quo vacatio illa ultra annum duraverit de predictis quatuor viginti et tres decem libris novem solidis et octo denariis plus solvat et si minori tempore duraverit quem per annum tunc pro rata temporis illius de predictis quatuor viginti et tres decem libris novem solidis et octo denariis per minus solvat Et volumus et concedimus pro nobis et heredibus nostris quod predictum capitulum et successores sui imperpetuum habeant et teneant custodiam episcopatus predicti singulis temporibus vacationum ejusdem in forma predicta per quascumque temporis duraverint vacationes ejusdem ecclesie Ita quod nullus escaetor vicecomes seu alius ballivus vel minister noster quicunque aut heredum nostrorum de custodia episcopatus predicti maneriorum aut aliarum rerum seu bonorum quorumcunque ad dictum episcopatum spectantium quoquo modo ratione vacationis illius son in aliquo intromittat hoc tamen excepto quod escaetor vel alius minister noster seu heredum nostrorum qui pro tempore fuerint infra aliquod manerium episcopatus predicti in principio vacationis ejusdem quandam simplicem seisinam nomine nostri dominii Regii capiat et ea sic capta statim exinde recedat absque fidelitate seu recognitione ab aliquo tenente dicti episcopatus vel aliquo alio inde capiendo seu etiam asportando Ita quod ultra unum diem occasione seisine predicte moram ibi non faciet nec aliquem ibidem substituat loco sui Volumus insuper et concedimus pro nobis et heredibus nostris quod si nos forsitan vel heredes nostri qui tempore vacationis episcopatus predicti exercitum nostrum fecimus summoneri predictum capitulum et successores sui de predictis dominiis et feodis militum episcopatus illius in manibus ipsius capituli tunc existentibus ad servicium in eodem exercitu faciendum immune teneantur nec occasione illius molestentur in aliquo seu graventur sed inde penitus sint quieti Salvis tamen nobis et heredibus nostris serviciis de feodis militum si que teneantur de episcopatu predictis temporibus vacationum ejusdem et ad nos pertineant ratione exercitus predicti Salva etiam nobis et heredibus nostris custodia terrarum et tenementorum seu redditum si quos episcopi loci illius in feodo ex nunc adquisierint per escaetores seu alios ministros nostros episcopatum predictum retinendi Ita tamen quod ratione custodie terrarum et tenementorum seu redditum hujusmodi escaetoris seu alius ministri nostri vel heredum nostrorum episcopatum predictum nullatenus ingrediatur nec de episcopatu predicto seu aliquibus ad eum nunc pertinentibus se intromittat aliter quam in forma supradicta In cujus [] Testo Rege apud Westmonasterium iv die Martii per ipsum Regem nunciante magistro Th de Charleton