Charter Document - 06251080
| Charter Number: | 06251080 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1307 |
| Date type: | Internal, A.D., Feast |
| Resource Link(s): |
|
Charter:
Omnibus Ch[risti] f[idelibus] presens scriptum v[isuris] vel a[udituris] Frater Thomas dictus abbas de Margan et ejusdom loci conventus salutem in Domino Noveritis nos tradidisse et concessisse Johanni le Yonge burgensi de Kenefeg ad terminum vite sue totam illam terram que quondam ad officium magistro fabrice nove ecclesie nostro pertinere solebat Videlicet tres acras terre arabilis quarum una jacet in latitudine inter terram quam quondam tenuit Johannes Peruat ex parte orientali et terram Roberti de Cantelou ex parte occidentali et extendit se in longitudine a via regali que ducit de Kenefeg versus Kayrdif ex parte australi usque ad viam que ducit de Kenefeg versus Corneli ex parte boriali Alia acra jacet in latitudine inter terram dicti Roberti de Cantelo ex utraque parte et extendit se in longitudine a via que jacet juxta Dame Alice Groue ex parte boriali usque ad terram Walteri Loyel ex parte australi Tercia vero acra jacet in latitudine inter terram dicti Roberti ex parte orientali et terram quam quondam tenuit dictus Johannes Peruat ex parte occidentali et extendit se in longum a terre Johannis Kyft ex parte australi usque ad viam regalem que jacet juxta Dame Alice Grove ex parte boriali Habendum et tenendum totam dictam terram a nobis et successoribus nostris dicto Johanni le Yonge ad terminam vite sue Reddendo inde annuatim nobis et successoribus nostris ipse dictus Johannes le Yonge quoad vixerit duos solidos argenti ad duos terminos anni videlicet ad festum Pasche duodecim denarios et ad festum Beati Michaelis duodecim denarios pro omnibus serviciis secularibus exactionibus et demandis Pro hac autem nostra traditione concessione et presentis scripti nostri confirmacione dedit nobis dictus Johannes decem solidos sterlingorum pre manibus et nos et successores nostri totam dictam terram dicto Johanni le Yonge de Kenefeg quoad vixerit tenemur warantizare contra omnes homines et feminas In cujus rei testimonium presenti scripto sigillum nostrum apposuimus Hiis testibus Willelmo Ayleward Thomas Davi Willelmo de la Marle Willelmo Terri Philippo Stiward et multis aliis Datum apud monasterium nostrum de Margan die Dominica proxima ante festum Sancti Jacobi Apostoli anno Domini MCCC septimo
Source (click image below to view full size)
