Charter Document - 06251078

Omnibus Christi fidelibus p[resens] s[criptum] v[isuris] v[el] a[udituris] Willelmus de Breos dominus honorum de Brembr et de Goheria salutem in Domino Noveritis universitas vestra nos concessisse et hac presenti carta nostra confirmasse pro nobis heredibus nostris et assignatis omnibus abbatibus prioribus hospitalariis templariis militibus libere tenentibus et eorum tenentibus ac eorum hominibus tam Anglicis quam Wallensibus infra procinctum nostri comitatus Anglicani Goherie habitantibus seu terram tenentibus omnes et singulas libertates subscriptas tenendum et habendum sibi successoribus ac heredibus et assignatis suis in perpetuum In primis quoniam coherere et conjungi non possunt quorum vota et studia fuerint diversa idcirco ad honorem Dei pacisque reformacionem omnibus et singulis hominibus predictis qui litem contra nos in curia Domini Regis nuper moverunt aut eisdem in predicta lite contribucionem aliquam vel auxilium prestiterunt omnem remittimus rancorem et malam voluntatem gratiam eis pristinam et dileccionem concedentes accionesque quascumque personales ac querelas nos seu heredes nostros contra eosdem quocunque modo contingentes benigna remittentes Volumus insuper et concedimus quod predicti habeant jurisdiccionem cognoscendi placitandi et judicandi quoscumque tenentes suos in omni causa percussionis verberis et effusionis sanguinis absque clamore seu mahemio dum tamen conquerenti justicie fiat complementum alioquin per nos heredes nostros aut ministros nostros defectus eorundem illa vice suppleatur Volumus eciam quod si animalia predictorum reperiantur infra maneria de Osterm[outh] Landymor seu Rossily vel alibi in eschetis aut terris de perquisito dampna faciendo emende fiant sicut vicinus vicino facere tenetur Medietas redditus parcorum non solvatur amodo nec exigatur donec boscus de Clun modo debito imparcetur Non capiatur decetero muragium de predictis apud Sveyneseyam sine voluntate et unanimi consensu eorundem Nec aliquis detineatur in prisona nostra dum duodecim manu captores invenire possit standi recto in comitatu nostro Anglicano nisi pro morte hominis nequiter et per feloniam interfecti captus super factum recenter commissum et modo debito inditatus vel nisi fuerit latro cum manu opere latrocinii deprehensus duodecim denarios excedentis seu incendiarius domorum vel tassorum nequiter in felonia faciendo captus et rite in dictatus et ut legatus patrie abjurator fractor prisone nostre castri nostri de Sveneseya in eodem propter feloniam aut per judicium curie in ferro detentus falsos monete cum instrumentis monetarii captus vel excommunicatus ad instanciam episcopi incarceratus In casibus autem felonie nullus efficiatur responsabilis ad sectam nostram absque rationabili indicta mento vel nisi fuerit latro cum manu opere captus duodecim denarios excedente Nec decetero probator vocem habeat quemquam appellandi Nullus insuper infra procinctum dicti comitatus Anglicani per Wallenses seu ballivos nostros aut aliquos de familia nostra existentes indicetur set solummodo per duodecim legales et liberos homines non suspectos ad hoc idem sigilla sua ponentes ita quod illud indicta mentum in curia ostendatur si a sectatoribus dicti comitatus petatur Nec aliquis de procinctu dicti comitatus amodo respondeat alibi de quibuscumque accionibus realibus seu personalibus quam in comitatu nostro predicto Salva tamen nobis et heredibus nostris jurisdiccione curiarum nostrarum in maneriis nostris propriis et hoc de tenentibus nostris in eisdem maneriis de rebus ac placitis in eisdem curiis de jure placitandi videlicet talia placita qualia libere tenentes nostri in suis curiis placitare possunt salva etiam in jurisdiccione cujuslibet liberi hominis de suis tenentibus de hiis que in curiis suis placitare possunt Salvis similiter querelis quo die Marchie inter terras vicinas de consuetudine terminari debent Inquisiciones vero indicta mentorem seu presentaciones in quibuscumque casibus de officio imposterum capiantur in duobus comitatibus [] videlicet ad proximum post Pascha et ad proximum post festum Sancti Hylarii et non alibi in patria nisi pro presentia corporis interfecti recente roberio duodecim denarios excedente Incendio domorum per feloniam fraccione domorum per feloniam facta Thesauro invento et wrecco maris que cum acciderint statim fiant inde inquisiciones et hoc ante proximum comitatum sequentem hujusmodi eventum alioquin nisi in comitatu minime capiantur Nullus etiam constabularius portarius carcerarius seu alius minister noster capiat amodo feudum aliquem de imprisonatis quibuscumque nisi in casibus felonie set nec tunc quidem nisi per unam noctem in prisona nostra de Sveneseya moram fecerit Et licet pluries aliquis replegietur aut manu capiatur et in prisona ret ornetur dum tamen sit pro eodem facto semel tantummodo feodum solvatur scilicet quatuor denarios Tolnetum voro non exigatur decetero ab aliquo homine pro vendicione bladi nec capiatur nisi fuerit mercator communis Et quod rationabile tolnetum in omni casu donetur de hiis qui tolnetum dare debent secundum consuetudinem Regni Nec imposterum capiatur tolnetum de aliquo predictorum hominum ad nundinas de Lozcherne nisi de hiis qui alibi in patria de jure solvere tenentur De wrecco insuper maris quod non fuerit delatum de mere mio lata securi eisdem hominibus nostris remaneat residuum vero juri nostro cedat Item volumus et concedimus quod omnes et singuli ministri nostri in comitatu Anglicano respondeant universis de se conquerentibus ad veritatem facti sine sollempnitate narracionis de injuriis et gravaminibus eisdem per ipsos ministros illatis et adjudicentur emende et restituciones ac correcciones secundum modum delicti et quantitatem per ejusdem comitatus consideracionem et quod in premissis executio plenaria fiat Preterea volumus et concedimus quod passagium de Sveneseya presto habeatur omnibus et singulis hominibus predictis et de eorum manu pastu existentibus et animalibus eorum ac rebus universis inperpetuum sine naulo conferendo preter communem collectam garbarum quam custos dicti passagii faciet si voluerit tempore messionis Et si aliqui predictorum requisiti gerbam solvere recusaverint solvent naulum cum voluerint transfretare Et si dictus custos super neglicencia convincatur pro demeritis puniatur condigne Nos vero nec aliquis ministrorum nostrorum non capiemus decetero blada pisces seu aliquod genus animalium vel aliqua alia catalla alicujus predictorum hominum nisi statim reddamus inde precium aut respectum inde habere possimus de assensu et voluntate illius que rem exposuit vendicione Nec aliquis imposterum amer cietur nisi in curia in qua de jure placitare debet et hoc judicio ejusdem curie set nec tunc quidem ultra usitatum et antiquum patrie a mercia mentum videlicet in curia maneriorum in octodecim denariis in omni casu Et in comitatu in tribus solidis exceptis casibus felonie et nove disseisine ubi disseisitor in sexaginta solidis et uno denario amer cietur Et pro divisa inter duo feudo in transversum gratis et ex tote fracta in viginti solidis Et licet aratrum invito carucario talem divisam corrumpat aut transgrediatur non ei imputetur dum tamen non fiat animo injuriandi Si quis vero ad sectam cujuslibet conquerentis super fraccione impar cementi legitime convincatur in viginti solidis mulctetur Et si convincatur de forstallo in strata Regia scienter et maliciose commisso viginti solidos plectetur Et pro res curso a veriorum violenter facto viginti solidis Et pro homsokene viginti solidis Nullus querens amer cietur ultra tres solidos in nullo casu excepto appellatore qui si defecerit in suo appello per redempcionem sexaginta solidorum et unius denarii puniatur Preterea volumus et concedimus pro nobis et heredibus nostris inperpetuum quod cancellaria nostra in partibus Goherie jugitur habeatur aperta et presto sit omnibus et singulis brevia petentibus sine difficultate aliqua Nec pro quocumque brevi amplius quam septem denarii donetur Si vero petens breve aliquod et de forma sibi concessa per cancellariam nostram non fuerit contentus fiat ei breve secundum sui ordinacionem periculo suo dum tamen juri consonum videatur et transcriptum brevis pro uno denario petenti exhibeatur Quod si nos vel heredes nostri fuerimus in tenura alterius juris justiciam faciemus cuilibet conquerenti pro billetum nobis porrectum si in partibus illis fuerimus sin autem tradatur billetum senescallo nostro qui pro tempore fuerit et si satisfacio competens facta non fuerit ex tunc immediate breve concedatur de cancellaria nostra in omni casu disseisine set in aliis casibus quibuscumque liberum tenementum tangentibus domino in partibus Anglicanis vel alibi remotis agente in quibus billetum in forma premissa porrigatur set si necesse fuerit brevis exhibicio usque ad duos menses completos differatur Et tunc in liberacione brevis et execucione facienda contra nos tanquam contra quemcumque alium per consideracionem comitatus predicti in forma juris procedatur Et si vocati fuerimus ad warantiam per cartam consimiliter justiciam faciemus in forma memorata Nec alicui vendemus aut negabimus justiciam Nec amodo infra castrum de Sveyneseya comitatus teneatur Volumus insuper quod statim cum felo super felonia committatur terra ejusdem extendatur per sacramentum proborum et legalium hominum que terra domino suo im[media]te infra mensem a tempore convictionis liberetur nobis tamen facta securitate extente ejusdem terre ad valorem unius anni et unius diei Concedimus etiam quod Walenses tam in sub bosco quam supra boscum animalia quecumque Anglicorum predictorum absque calumpnia seu a mercia mento libere possint custodire Item unusquisque liber homo semel in anno cervisiam faciat pro voluntate sua vendendam et iterato consimiliter ratione alicujus negocii supervenientis sine a mercia mento Convencionarii autem et omnes alii tenentes eodem modo braceant semel in anno necessitate qualibet ducti vendendum prout melius poterint sine a mercia mento Item unusquisque liber homo ex predictis habeat in boscis et in terris suis aerias falconum es par variorum et ceterarum avium similiter examen apium et mel quod inventum fuerit in suis boscis absque cujuslibet calumpnia Nullus quoque ex forinsecis ejusdem patrie efficiatur responsibilis in burgo de Sveyneseya et de Lozcharne ratione cujuslibet transgressionis vel contractus extra procinctum earum villarum facti set nec die comitatus nisi ibidem eadem die deliquerit nisi fuerit mercator communis tempore nundinarum Omnia vero judicia et recorda in dicto comitatu qualitercunque emergencia reddantur et promulgentur discrecione et arbitrio sectatorum antiqua feoda militum tenencium videlicet domini de Penres domini de Porteynon domini de Oxewyche domini de Hentles domini de Webbelegha domini de Scorlaggeskastel domini de Renewardestoune domini de Knoylestoune domini de Penmayn domini de Nicholastoune domini de Forshulle Vernhulle et Pyltoune et domini de Steentebrugge non obstante contradiccione alicujus alterius tenentis ejusdem patrie et secundum eorum judicia fiant execuciones Nec decetero multitudo numerosa sub moneatur ad aliquem comitatum nisi in casibus rationabilibus et cogentibus Set nec communitas patrie sum moneatur ad parliamentum tempore pacis exceptis illis quorum interest causa legitima mediante nisi ob presencia persone nostre vel per communem assensum liberorum hominum in patria existencium Nullus preterea in partibus predictis distringatur amodo aut aliter compellatur servire nobis contra voluntatem suam Item volumus et concedimus quod nulla loquela in dicto comitatu incepta maliciose adjornetur ad retardandum accionem petentis seu querentis vel ad gravamen respondentis vel defendentis sine assensu antiquorum sectatorum dicti comitatus aut parcium voluntate Et quod nulla districcio seu namium amodo ex quacumque causa capta ducatur ad imparcandum alibi quam apud Pennard [vel infra] parcum de Breoz Si autem contigerit Wallensem quemcunque delinquere infra limites comitatus Anglicani infra eodem respondeat comitatui Si autem in Glynlozchorne aut Combedeueleys vel in eundo aut redeundo quicumque foris fecerit in comitatu Anglicano ut prefatum est respondeat Et inde per consideracionem comitatus plenaria execucio fiat Si autem quisquam appellatus aut judicatus de felonia fuerit volumus et concedimus quod bone ipsius non attachientur quousque super dicto crimine convincatur Nec pueri in custodia nostra de cetero existentes disperagentur neque terre vel domus aut res alie quelibet eorundem puerorum deinceps vastentur aut destruantur set salvo custodiantur Nec de cetero sectatores antedicti alicubi jurare compellantur nisi in at tinctis magnis assisis et cum testes in cartis vel scriptis fuerint nominati eo quod judicia et recorda comitatus predicti reddere et pronunciare tenentur Concedimus eciam hominibus nostris predictis quod libere depascant omnes porcos suos in omnibus boscis nostris de supra bosco preter boscum de Predewen absque omni pannagio vel aliquo alio dando Qui delfinum piscem qui wlgaliter Porpeys denominatur ceperint aut invenerint eum sine alicujus calumpnia habeant Nullus ballivus noster decetero teneat comitatum vel sur [supervisum] sine nostra commissione speciali aut commissione senescalli nostri si ipse habeat potestatem per nostram commissionem expressam alium loco suo substituendi Nec quisquam ballivorum nostrorum imposterum vicecomes denominetur Volumus etiam quod concubine sacerdotum infra procinctum dicti comitatus existentes a nobis seu ministris nostris quibuscumque pretexta sui peccati non calumnientur seu quoquo modo per nos vel nostros vel occasione cujuscumque consuetudinis in futurum per redempcionem vel aliter puniantur Concedimus insuper predictis hominibus nostris quod habeant carbonem terrenum in Kylthy Wasta absque impedimento nostri vel heredum nostrorum seu ministrorum nostrorum quorumcumque et hoc ad omnia necessaria sua complenda ita quod non vendant nisi in forma de boscis inferius notata Item concedimus eisdem pro nobis et heredibus nostris inperpetuum omnes alias libertates leges et consuetudines temporibus progenitorum nostrorum habitas quas presenti carta nostra innovamus ac confirmamus volentes omnimodas occupaciones extorsiones et exacciones contra statum eorundem libertatum legum seu consuetudinem hactenus es irritari inposterum cassari adnullari ac nullius efficacie de cetero haberi Concedentes etiam et volentes omnes leges consuetudines ac libertates predictas specificatas et non specificatas in omnibus et singulis suis articulis firmiter et inviolabiliter observari inperpetuum Preterea concessimus predictis abbatibus prioribus hospitalariis templariis militibus libere tenentibus et eorum tenentibus ac eorum hominibus in Goheria habitantibus et etiam tenentibus de maneriis quibuscumque rationabilia estoveria de die capienda in omnibus et singulis boscis nostris infra aquas subscriptas contentis videlicet Lozcharne Northyrlyn et Cathan habendum sibi successoribus heredibus et suis assignatis inperpetuum ad [] dum claudendum et ardendum et ad omnia necessaria sua facienda et complenda preter donaciones et vendiciones aliis quam sibi ipsis qui in dictis boscis communicare debent et hoc per visum forestarii nostri si presens fuerit sin autem cernetur ter ab ipso qui quodlibet necessarium in dictis boscis querere venit quod si cornu non habuerit tribus vicibus arborem cum securi percuciendo per moram unius leuce forestarii adventum expectet et si interim non advenerit licite capiat quod sibi placitum et necessarium fuerit absque calumpnia cujuscumque vel impedimento Nos vero heredes et assignati nostri predicta estoveria rationabilia eisdem successoribus heredibus et eorum assignatis contra omnes mortales warantizabimus inperpetuum Concedimus etiam eisdem liberum ingressum et egressum cum quibuscumque animalibus et vehiculis una cum viis competentibus ubique in vastis et moris nostris exceptis bladis et pratis ad necessaria sua predicta in prefatis boscis nostris querenda capienda et abducenda Volumus similiter et concedimus pro nobis et heredibus nostris et assignatis quod quandocunque nos heredes vel assignati nostri aliquem articulum premissorum quacumque arte vel ingenio violaverimus contra dictas concessiones vel libertates aut consuetudines seu illarum aliqua in quocumque articulo temere veniendo domino Regi Anglie in quingentis libris argenti nomine puri debite Necnon cui vel quibus ex hominibus predictis aut heredibus eorum injuriatum fuerit contra presentis carte tenorem in aliis quingentis libris argenti nomine puri debiti solvendis una cum dampnis sibi adjudicandis secundum parcium illarum consuetudinem infra dimidium annum a tempore transgressionis commisse Quocienscumque fecerimus vel attemptaverimus quicquam contra premissa aut eorum aliqua nos et heredes nostros tenore presentis scripti volumus et concedimus obligari et teneri Volumus insuper et concedimus pro nobis et heredibus nostris quod cancellatura in quarta et tercia linea superius facta a necnon primo usque ad necnon secundo minime presenti carte noceat aut prejudicialis in aliquo efficiatur Ut autem omnia et singula in presenti carta contenta robur perpetue firmitatis optineat presenti scripto sigillum nostrum apposuimus Hiis testibus Domino Willelmo Inge milite Domino Waltero de Pedertown Nicholao de Warwyke Dominis Waltero de Ha[] Ricardo de la Rokele Henrico de Penbrugge militibus Leysano de Avene et allis Datum apud Sueyneseyam die Jovis in festo Sancti Mathie apostoli [anno Domini millesimo trecentesimo s]exto set etiam Regni Regis Edwardi tricesimo quarto