Charter Document - 06251077

Omnibus Christi fidelibus presens scriptum inspecturis vel audituris Johannes Mygnoth salutem in Domino Noverit universitas vestra me recepisse a domino Rogero abbate de Margan et ejusdem loci conventu ad perpetuam firmam Domum et Mansum eorundem cum gardino et curtillagio adjacente in villa de Novo Castro in Glamargan una cum libero ingressu et egressu ad eadem salva tamen eisdem abbati et conventui grangia eorundem et curia ad eandem grangiam pertinente Item et totam terram eorundem quam Radulphus quondam rector ecclesie ejusdem loci de Novo Castro habuit at tenuit una cum Grava ad eam pertinente videlicet tresdecem acras et dimidiam et unam acram prati que jacent in Ham at undecem acras et dimidiam que jacent sub Grava et quinque acras supra Gravam et tres acras que jacent in gardino Ade Et ibidem quinque acras prati Habendas et tenendas de eisdem religiosis et eorundem successoribus mihi et heredibus meis Reddendo inde annuatim ipsis religiosis et eorundem successoribus ego et heredes mei tres marcas et dimidiam bonorum sterlingorum in festo Sancti Michaelis Et hoc sub pena quadraginta solidorum eisdem religiosis et eorundem successoribus solvendorum a me et heredibus meis predictis quociens in dicti annualis redditus solucione defecerimus rato nichilominus manente predicto annuo redditu principali Ego etiam at heredes mei faciemus predictis religiosis et eorundem successoribus de predicta terra homagium et relevium at sectam ad curiam eorundem bis in anno videlicet ad proximam curiam post festum Sancti Michaelis et ad proximam curiam post Pascha Retinuerunt tamen dicti abbas et conventus ad opus eorundem et successorem suorum in predicta terra quam ab eis accepi locum construendi molendinum et piscariam super aquam de Ugemor si eisdem visum fuerit expedire Si autem ego Johannes Mygnoth vel aliquis heredum meorum ea que superius scripta sunt vel aliqua ex ipsis alienare voluerimus talibus ea alienare nobis licebit qui possint et velint predictis religiosis predictum annuum redditum et etiam penam premissam si eam committi contingat plenarie solvere et servicia suprascripta universa illis exhibere et quos possint hidem religiosi ad omnium ipsorum solucionem et exhibitionem absque difficultate distringere seu distringi facere alias autem non Ad predictam autem omnia et singula observanda et facienda Ego Johannes predictus me et heredes meos predictos et etiam assignatos meos si quos me contingat habere ut predictum est Jurisdictioni decani de Gronuth subicio ut ipse me et alios supranominatos possit in hac parte de plano et sine strepitu judiciali per quamcunque voluerit censuram ecclesiasticam compellere Item et jurisdictionem baillivi de Kaerdif quicunque pro tempore fuerit quod etiam ipse nos possit compellere per totam terram quam tenemus aut tenebimus in comitatu de Glamorgan ubicunque fuerit ad predictum redditum et alia omnia supradicta plenarie et fideliter persolvenda una cum pena predicta si fuerit commissa In cujus rei testimonium huic presenti scripto sigillum meum apposui Hiis testibus Ricardo de Turberevile Philippo de Hereberd Mauricio filio Griffini Roberto de Anne Johanne le Noreys Willelmo de Turberevile Hamundo de Turberevile et multis aliis