Charter Document - 06251071
| Charter Number: | 06251071 |
|---|---|
| Cartulary Title: | Cartae et alia munimenta quae ad dominium de Glamorgancia pertinent [Glamorganshire] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1300 |
| Date type: | Internal, Calendar, Regnal |
| Resource Link(s): |
|
Charter:
Sciatis p[resenti] et f[uturi] quod nos Willelmus de Brewose dominus honoris de Brembre et de Goheria dedimus concessimus et hac presenti carta nostra confirmavimus Philippo de Landimor pro servicio suo septem acras terre cum pertinenciis suis quas Madocus ap Ririd quondam de nobis tenuit in feodo de Landimor per easdem metas et bundas per quas predictus Madocus eas melius et plenius de nobis tenuit Habendum et tenendum predictas septem acras terre cum omnibus pertinenciis et aysiamentis suis de nobis et heredibus nostris predicto Philippo et heredibus suis in lege Anglicana libere quiete bene in pace jure hereditario imperpetuum Reddendo inde annuatim nobis et heredibus nostris predictus Philippus et heredes sui unum denarium argenti ad festum Sancti Michaelis pro omnibus serviciis exactionibus et demandis Et nos predictus Willelmus de Brewese et heredes nostri predictas septem acras terre cum omnibus pertinenciis et aysiamentis suis predicto Philippo et heredibus suis contra omnes gentes warantizabimus acquietabimus et defendemus imperpetuum Et ut hec nostra donacio concessio et presentis carte nostre confirmacio robur perpetue stabilitatis optineat hanc cartam sigilli nostri impressione roboravimus Hiis testibus dominis Hugone de Pauntof Ricardo de Hodelestone militibus domino Thoma priore de Langenyth Johanne de Landimor Willelmo ap Ythel Enea Trous Ricardo de Westone et aliis Acta est hec carta apud Sweyneseye ultimo die Maii anno regni Regis Edwardi filii Regis Henrici vicesimo octavo Faciendo etiam nobis sectam ad comitatum nostrum de Sweyneseye prout ut alii sectatores faciunt
Source (click image below to view full size)
