Charter Document - 06243005

Alexander episcopus servus servorum Dei dilectis filiis Ricardo abbati monasterii de Fontibus ejusque fratribus tam presentibus quam futuris regularem vitam professis inperpetuum Quotiens a nobis petitur quod religioni et honestati convenire dinoscitur animo nos decet libenti concedere et petentium desideriis congruum impartiri suffragium Ea propter dilecti in Domino filii vestris justis postulationibus clementer annuimus et prefatum monasterium in quo divino mancipati estis obsequio sub Beati Petri et nostra protectione suscipimus et presentis scripti privilegio communimus statuentes ut quascunque possessiones quecunque bona idem monasterium in presentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis Deo propitio poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis ecclesiam de Fontibus et grangiam de Morker cum tota terra de Herleshow per suas divisas plenarias ex dono Roberti de Sartis et uxoris illius Raganildis grangiam de Sutuna ex dono Rogeri de Molbray et uxoris ejus Aaliz et Radulphi de Bellun cum terris acquisitis a Torfino filio Gospatric et a Godwino de Cluth[er]um et filio ejus Dolphino grangiam de Caiton cum terra Herberti et via ex consensu Ricardi Pedelarrun grangiam de Marton cum terris in confinio ejusdem loci acquisitis grangiam de Kilnesey cum dimidia carucata terre in Bordelay grangiam de Couton More cum appendiciis suis grangiam de Aldeburgh cum terra quam dedit Turgisius filius Malgeri ex alia parte aque Jore cum communi pastura grangiam de Dacra cum necessariis plenaria in foresta de Niderdale ex dono Rogeri de Molbray quadraginta acras ex dono Gichell in Balderby cum communi pastura et tres de Radulpho de Brysow cum terris silvis pascuis pratis et aliis appendiciis ad supradictas grangias pertinentibus Libertates etiam omnes [] Sane laborum vestrorum quos propriis manibus aut sumptibus colitis sive de nutrimentis vestrorum animalium nullus a vobis decimas presumat exigere Si qua vero libera et absoluta persona [] Adjicientes insuper auctoritate apostolica interdicimus ne quis fratres vestros clericos sive laicos post factam in vestro monasterio professionem absque vestra licentia suscipere audeat vel retinere Presenti quoque decreto sanximus ut episcopus [] Sanximus autem ne aliquis archiepiscopus vel episcopus sive cujuslibet ordinis locum vestrum a divinis interdicat officiis sed liceat vobis omni tempore clausis januis exclusis excommunicatis et interdictis suppressa voce divina officia celebrare nisi abbatis vel fratrum ipsius loci evidens et manifesta culpa extiterit Paci quoque et tranquillitati vestre [] Et si quis hoc temerario [] Decernimus ergo ut nulli omnino hominum liceat prefatum monasterium temere [] Salva sedis apostolice auctoritate et dioecesani canonica justitia Si qua igitur in futurum [] Cunctis autem [] Amen Amen Amen Ego Alexander catholice ecclesie episcopus ego Hubaldus Hostiensis episcopus ego Bernardus Portuensis et Sancte Rufine episcopus ego Walterus Albanensis episcopus ego Hubaldus presbiter cardinalis tituli Sancte Crucis in Jerosolima ego Henricus presbiter cardinalis tituli Sanctorum Nerei et Achillei ego Johannes presbiter cardinalis tituli Sancte Anastasie ego Albertus presbiter cardinalis tituli Sancti Laurentii in Lucina ego Jacobus diaconus cardinalis Sancte Marie in Cosmidyn ego Odo diaconus cardinalis Sancti Nicholai in carcere Tulliano ego Ardicio diaconus cardinalis Sancti Theodori ego Bozo diaconus cardinalis Sanctorum Cosme et Damniani ego Cinthius diaconus cardinalis Sancti Adriani ego Johannes cardinalis Sancte Marie in Porticu Datum apud Sanctum Genulphum per manum Hermanni sancte Romane ecclesie subdiaconi et notarii vito kalendas Octobris indictione xi incarnationis dominice anno MCLXII pontificatus vero domni Alexandri pape iii anno quarto