Charter Document - 06240016
| Charter Number: | 06240016 |
|---|---|
| Cartulary Title: | Memorials of the Abbey of St. Mary of Fountains |
| Charter Language: | Latin |
| Charter Origin: | Royal |
| Charter Type(s): | Concession, Grant |
| Date: | 1312 |
| Date type: | Internal, Regnal |
| Resource Link(s): |
|
Charter:
Edwardus Dei gratia rex Anglie dominus Hibernie et dux Aquitanie omnibus ad quos presentes litere pervenerint salutem Sciatis quod pro remissione quam dilecti nobis in Christo abbas et conventus de Fontibus nobis fecerunt de quater viginti et sexdecim libris et viginti et uno denariis in quibus eis pro bladis et aliis diversis victualibus ab ipsis ad opus nostrum emptis tenebamur ac per finem quadraginta librarum quem fecerunt nobiscum quas quidem quadraginta libras solverunt in garderoba nostra concessimus et licentiam dedimus pro nobis et heredibus nostris quantum in nobis est eisdem abbati et conventui quod ipsi terras et tenementa ad valorem viginti librarum annuarum tam de feodo suo proprio quam alieno exceptis terris et tenementis que de nobis tenentur in capite adquirere possint Habendum et tenendum sibi et successoribus suis imperpetuum Statuto de terris et tenementis ad Manum mortuam non ponendis edito non obstante dumtamen per inquisitiones inde in forma debita faciendas et in cancellaria nostra vel heredum nostrorum rite retornandas compertum sit quod id fieri poterit absque prejudicio nostro et alterius cujuscunque In cujus rei testimonium [] Teste meipso apud Eboracum xxiij die Februarii anno regni nostri quinto
Source (click image below to view full size)
