Charter Document - 06240009

Richardus Dei gratia rex Angl dux Normannie Aquitanie comes Andegavie archiepiscopis episcopis abbatibus comitibus baronibus justiciariis vicecomitibus ballivis et omnibus ministris et fidelibus suis totius Anglie et Normannie et prepositis nundinarum et portuum maris scilicet de Hampton et de Hastings et de Dovra et de Barbeflete et de Cadamo et de Estreham et de Deopa et de omnibus aliis portubus salutem Precipimus quod monachi et fratres abbatie nostre de Fontibus et equi et homines et omnes res eorum sint quieti de theloneo et passagio et pontagio et stallagio et pedagio et de omni alia consuetudine et seculari exactione de se et suis omnibus quocumque venerint et de omnibus rebus quas emerint vel vendiderint vel deportari fecerint in nundinis vel mercatis et in omni loco potestatis nostre per terram vel aquam ad usus proprios Et prohibemus ne aliquis eos vel homines vel res eorum in aliquo vexet vel disturbet quia tam ipsos quam omnia que illorum sunt sicut res nostras proprias et dominicas in manu nostra et protectione et custodia retinemus Nec ullatenus sustinere possemus si quis eos vel bona eorum vexaret turbaret vel quolibet modo minueret aut libertates a nobis aut predecessoribus nostris illis concessas interdiceret Prohibemus etiam ne de ullo tenemento suo ponantur in placitum nisi coram nobis Teste Comite Willielmo de Mandevilla xx die Septembris apud Gaitington