Charter Document - 06240007

H[enricus] Dei gratia rex Anglie et dux Normannie et Aquitanie et comes Andegavie archiepiscopis episcopis abbatibus comitibus baronibus justiciariis vicecomitibus ministris et omnibus fidelibus suis Francis et Anglis totius Anglie salutem Sciatis me concessisse et presenti carta confirmasse Deo et abbatie sancte Marie de Fontibus et monachis ibidem Deo servientibus donationes quas subscripti eis rationabiliter fecerunt in puram et perpetuam elemosinam sicut carte eorum testantur Ex dono Willielmi Percy totam pasturam de maro de Malhom sicut rivus vadit sursum usque ad viam de Malhom et postea totam viam deorsum usque ad Dernebroke et deinde Uden deorsum usque ad Erneclifum et totam pasturam quam idem Willielmus habuit ex illa parte versus rupes Et donationem quam Turstanus de Arches concessione et assensu ipsius Willielmi fecit eis de terra de Erneclif secundum quod carte eorum testantur Concedo etiam eis et confirmo donationem ejusdem Willielmi quam eis fecit de Mallewatre et piscaria ejusdem aque et donationem dimidie carucate terre in Malhom ex dono Ulf filii Roschilli secundum testimonium carte ipsius Willielmi et sicut eadem donatio facta fuit et concessa in presentia Capituli sancti Wilfridi de Ripona Ex dono Aliz Carow que fuit uxor Gaufridi Rothom totam terram suam in Eboraco cum edificiis et pomerio et omnibus adjacentiis suis sicut eam ipsis dedit et concessit liberam et quietam de se et heredibus suis et sicut carta sua confirmavit Quare volo et firmiter precipio quod ipsa abbatia et monachi in ea Deo servientes omnia supradicta habeant et teneant bene et in pace libere et quiete integre et plenarie et honorifice sicut predicti donatores ea ipsis rationabiliter dederunt et cartis suis confirmaverunt Testibus H[ugone] episcopo Dunelmensi Johanne decano Sar[isburiensi] Ricardo abbate de Mortuomari Willielmo filio Aldelini dapifero Randulpho de Glanvilla Reginaldo de Curtenay Hugone de Creisse Thoma Bard[ulf] apud Eboracum