Charter Document - 06230033
| Charter Number: | 06230033 |
|---|---|
| Cartulary Title: | Memorials of the Abbey of St. Mary of Fountains |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1310 |
| Date type: | Internal, A.D., Episcopal |
| Resource Link(s): |
Borthwick Institute - Register 8 (f59r) |
Charter:
Willelmus Primas [] dilectis filiis abbati et conventui monasterii de Fontibus salutem gratiam et benedictionem Cum in statutis canonicis tam veteribus quam novellis et precipue per sanctissimum in Christo patrem et dominum dominum Clementem Divina providencia papam Quintum expressius caveatur quod cum civitates terre castra aut alia quelibet loca auctoritate ordinaria interdicto ecclesiastico supponantur nedum non exempti verum eciam et exempti tam religiosi quam alii cujuscunque ordinis et condicionis existant ipsum interdictum teneantur eciam in locis suis exemptis infra limites loci interdicti inclusis inviolabiliter observare alioquin juxta constitucionem novellam sanctissimi patris et domini domini Clementis predicti non servantes majoris excommunicacionis sentencie ipso facto se noverint subjacere non sine grandi admiracione accepimus quod nonulli monachi domus vestre interdictum dudum in ecclesia nostra Rypon jacente singulis capellis oratoriis et locis quibuslibet infra limites dicte parochie ubilibet constitutis propter parochianorum ecclesie predicte manifestam rebellionem pariter et offensam auctoritate nostra interpositum quod propter ipsius notorietatem vos et ipsos monachos credimus non latere violare contemptibiliter non formidabant in locis vestris infra limites parochie predicte ecclesie nostre Rypon notarie constitutis pulsatis campanis januis apertis et alta voce Divina quelibet officia celebrando parochianosque predictos quorum culpa seu rebellione prefata interdicti sentencia lata extitit ad audiendum in dictis locis Divina officia admittendo et alia eisdem scienter sacramenta ecclesiastica ministrando contra constituciones canonicas ac in nostri et jurisdictionis nostre prejudicium manifestum ex tante presumpcionis pertinacia nervum discipline ecclesiastice disrumpendo Volentes igitur attentis vestre gratitudinis meritis severitatem canonice ultionis ad presens circa vos ex paterna mansuetudine mitigare devocionem vestram in Domino duximus exhortandam quatinus prefatum interdictum nostrum prout de jure tenemini studiosius observantes parochianos nostros predictos ad Divina officia audiendum seu ad ecclesiasticam sepulturam vel alia quecumque sacramenta ecclesiastica recipiendum casibus a jure permissis duntaxat exceptis in predictis vestris locis infra prefatam parochiam constitutis durante interdicto hujusmodi decetero nullatenus admittatis nec ipsos ad hec per vestros commonachos vel confratres seu alios quoscumque in eisdem vestris locis admitti aliqualiter permittatis alioquin si secus factum fuerit in premissis vel aliquo premissorum dissimulare non poterimus quin contra pertinaciter delinquentes et canonum transgressores si qui inventi fuerint in hac parte juxta juris exigenciam procedamus Si quos vero ante hec tempora de vestris confratribus seu commonachis vel aliis circa premissa inveneritis excessisse ad nos pro absolucione in forma juris obtinenda ut eorumdem saluti plenius consulatur absque more dispendio prout expedire videritis destinetis Valete Data apud Barton sexto Idus Decembris anno gratie millesimo trescentesimo decimo et pontificatus nostri quinto
Source (click image below to view full size)
