Charter Document - 06230027
| Charter Number: | 06230027 |
|---|---|
| Cartulary Title: | Memorials of the Abbey of St. Mary of Fountains |
| Charter Language: | Latin |
| Charter Origin: | Royal |
| Charter Type(s): | Mandate |
| Date: | 1294 |
| Date type: | Internal, Regnal |
| Resource Link(s): |
|
Charter:
Edwardus Dei gratia Rex Anglie dominus Hibernie Dux Aquitanie dilecto sibi in Christo Abbati de Fontibus salutem Qualiter Rex Francie nos de terra nostra Vasconie maliciose decepit et inde fraudulenter ejecit eam nequiter detinendo vos credimus non latere Cum igitur ad illam terram recuperandam a manibus dicti regis vestrum consilium et auxilium sicut et prelatorum ac cleri de regno nostro quos communiter negocium istud tangit nobis quamplurimum prospexerimus profutura ob quod apud Westmonasterium in festo sancti Mathei Apostoli et Evangeliste proximo futuro personaliter esse disposuimus Deo dante ad tractandum una vobiscum et prelatis ac clero ejusdem Regni et ad ordinandum tunc ibidem super statu dicte terre nostre Vasconie et remedio in hoc contra hujusmodi maliciam adhibendo vobis mandamus firmiter injungentes quod dictis die et loco personaliter intersitis ad tractandum ordinandum et faciendum quod de vestro predictorumque prelatorum et cleri communi consilio providebitur in premissis Et hoc nullatenus omittatis Teste meipso apud Porthesmuth xix die Augusti anno regni nostri xxij
Source (click image below to view full size)
