Charter Document - 06230023

Rex omnibus ad quos [] salutem Non multum merentur ad disparia judicari nova construere et prius honorifice ac bene constructa necnon diruta subsequenter reficere et in statum antiquum reponere prosperam et felicem Sane proficientibus nobis nostre consideracionis intuitum ad multiplices possessiones et amplas necnon ad diviciarum habundanciam multiformem quibus abbacia de Fontibus Cisterciensis ordinis Ebor diocesis tempore fundacionis sue insignita extitit et dotata ac ad honores multimodos et elemosinarum largiciones quasi innumeras et alia opera pietatis que ex ipsa abbacia olim consueverant provenire necnon ad pauperacionem non modicam depressionem que flebilem et statum miserabilem quibus extitit dudum depressa et adhuc deprimitur in immensum Nos super statum ilium et calamitatem et miseriam abbacie predicte pietate moti eam cum terris redditibus et omnibus possessionibus ac rebus aliis ad eandem abbaciam pertinentibus cepimus in protectionem et defensionem nostram specialem et abbaciam illam cum omnibus pertinenciis ad requisicionem dilectorum nobis in Christo abbatis et conventus ejusdem abbacie dilecto clerico nostro Johanni de Berewik quamdiu nobis placuerit commisimus custodiendam Ita quod omnes exitus redditus et proventus terrarum et possessionum abbacie illius salva rationabili sustentacione predictorum abbatis et conventus et hominum suorum ad exonerationem debitorum suorum et relevationem aliorum defectuum ejusdem abbacia reserventur et eisdem exonerationi et relevationi per visum aliquorum de discrecioribus abbacie ejusdem per adjutorium et consilium predicti Johannis prout melius fieri poterit applicentur Nec volumus quod aliquis vicecomes ballivus seu minister noster aut alius quicumque in abbacia predicta aut grangiis ad eam spectantibus quamdiu in custodia prefati Johannis fuerit hospitetur sine ejusdem Johannis licencia speciali In cujus [] Teste rege apud Norham primo die Junii