Charter Document - 06230022
| Charter Number: | 06230022 |
|---|---|
| Cartulary Title: | Memorials of the Abbey of St. Mary of Fountains |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1294 |
| Date type: | Assigned |
| Resource Link(s): |
Borthwick Institute - Register 4 (f129r) |
Charter:
J permissione [] Cum nobile monasterium de Fontibus dicti ordinis nostre dioecesis ad tantam hiis diebus quod dolentes referimus jam devenerit inopiam quod propter ipsius ruinam miserrimam de quo totum fere Regnum obloquitur sicut religioso viro amico karissimo domino Abbati Cistercii dum in partibus transmarinis fuimus satis plane exposuimus quasi omnibus prote dolor vertitur in derisum nec mirum dum per quosdam arrogantiam in interiori habitu mansuetudinem in exteriori gestantes cultus Dei in ipsa domo quam predecessores nostri Eboracenses Archiepiscopi fundaverunt et tam ipsi quam ceteri nobiles regni largicione terrarum tenementorum possessionumque amplissima dotaverunt minuitur patrimonium Christi consumitur elemosina subtrahitur caritas contempnitur regula negligitur devocio abjicitur fomes invidie inter eos per conspiraciones et colligaciones quorumdam illicitas diffunditur qui foventur et sinceri zelatores ordinis expelluntur alibique exterius in dicti monasterii dispendium transvehuntur Nos qui ratione fundationis et patronatus quem in ipsa domo habere dinoscimur calamitati ejusdem et depressione intimo condolemus affectum discretionem vestram affectuose rogamus quatinus ad reformationem domus predicte quam cupimus ut vos compassionis oculos dirigentes de statu ipsius miserabili et confederacionibus supradictis faciatis per vos et vestros investigari diligencius et inquiri ipsosque quos culpabiles inveneritis donec domus ipsa ab onere quo premitur relevata fuerit alibi in ordine moram facere compellatis illis qui per conspiraciones emulorum missi fuerint revocatis ut sic status domus vobis annuentibus in melius reformetur quod si premissa equo libramine pondera veritis speramus favente Domino eventurum Valete
Source (click image below to view full size)
