Charter Document - 06230021
| Charter Number: | 06230021 |
|---|---|
| Cartulary Title: | Memorials of the Abbey of St. Mary of Fountains |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1286 - 1296 |
| Date type: | Assigned |
| Resource Link(s): |
Borthwick Institute - Register 4 (f126r) |
Charter:
[Monachis Clarevallensibus Visitatoribus per Angliam deputatis Johannes permissione divina Archiepiscopus Ebor] Salutem cum benedictione et gratia Salvatoris Ex eo non sufficimus admirari quod nobile monasterium de Fontibus Cisterciensis ordinis nostra diocesis ad tantam hiis diebus devenit inopiam quod de ipsius ruina miserrima fere obloquitur totum Regnum et ipsa domus filia Clarevallis tam famosa universis ejus vicinis quod volentes referimus jam quodammodo vertitur in derisum presertim cum predecessores nostri Eboracenses Archiepiscopi dictum monasterium fundaverunt et illud tam ipsi quam ceteri nobiles regni largicione terrarum tenementorum et possessionum plurium amplissima dotaverunt Ad cujus calamitatem nos ipsi patronus monasterii compassionis oculos dirigentes et ad relevacionem ipsius consilium apponere cupientes in Christo corditer vos rogamus quatenus quanquam ad ipsam domum de Fontibus visitacionis gratia accedatis apud nos modis omnibus declinetis ut de ipsius utilitate adinvicem conferamus Valete Dat [] proxima
Source (click image below to view full size)
