Charter Document - 06230019

Universis presentes literas inspecturis Frater P dictus Abbas de Fontibus et ejusdem loci Conventus Cycestriensis ordinis Ebor Dioc salutem in Domino Noverit universitas vestra nos vendidisse et concessisse Dunelmo Joute et Bernardo Thechaldi ementibus et recipientibus tam pro seipsis quam pro Theelano Thedaldi fratre dicti Bernardi ac aliis eorum sociis Civibus et Mercatoribus Florentinis sexaginta duos saccos lane de collecta Monasterii nostri sine clack et lok god et card nigra grissa vilein tuysun et sine pelliciis Quam quidem lanam paratam et ponderatam nostris sumptibus oneribus et expensis promittimus et tenemur deliberare eam per legitimam stipulationem terminis infrascriptis videlicet in quindena Nativitatis Sancti Johannis Baptiste anno Domini MCC septuagesimo septimo decem et septem saccos Item in eadem quindena anno Domini MCC septuagesimo octavo decem et septem saccos Item et quatuordecim saccos anno Domini MCC septuagesimo nono Et quatuordecim alios saccos in dicta quindena anno Domini MCC octagesimo quolibet anno apud Clifton predictis Mercatoribus vel uni eorum aut eorum certo nuncio has literas deferenti sine ulteriori dilatione Pro quibus sexaginta et duobus saccis lane predictis modo loco et terminis deliberandis et tradendis ut dictum est dicti Mercatores solverunt nobis pre manibus apud London sexcentas et nonaginta et septem marcas et dimidium bonorum novorum et legalium sterlingorum tresdecim solidis et quatuor sterlingis pro marca qualibet computatis De qua pecunia nomine nostro et monasterii nostri bene et integre nos vocamus quietos et pacatos exceptioni non numerate non solute et non tradite nobis pecunie omnino renunciantes Si vero dicta lana sicut dictum est eisdem mercatoribus predictis loco et terminis non fuerit integre deliberata et reddita extunc in antea nomine nostro et ecclesie nostre promittimus et tenemur per antedictam stipulationem refundere et reddere ac restaurare eisdem mercatoribus vel uni eorum aut eorum certo nuncio omnes expensas dampna et interesse que vel quos dicti mercatores fecerint aut incurrerint pro defectu solutionis et deliberationis seu assignationis lane predicte Super quibus credetur dictis mercatoribus vel uni eorum aut eorum nuncio per simplex verbum suum tantum sine juramento et alia probatione nec computabimus dictas expensas dampna ac interesse in sortem dicte lane nec retinebimus dictam lanam contra voluntatem dictorum mercatorum pretextu dictarum expensarum et dampnorum refusione ultra terminos antedictos Pro quibus omnibus et singulis antedictis firmiter et fideliter observandis et adimplendis obligamus nos ecclesiam nostram et successores nostros et omnia bona nostra ecclesie nostre et successorum nostrorum mobilia et immobilia presentia et futura ecclesiastica et mundana ubicumque inventa fuerint dictis mercatoribus ac eorum sociis Que bona ab eis precari nomine possidere recognoscimus usque ad integram observationem omnium predictorum Renunciantes in hiis omnibus et singulis pro nobis ecclesia nostra et successoribus nostris omni juris auxilio canonici et civilis privilegio clericatus et fori omni consuetudine et statuto omnibus literis et indulgenciis et privilegiis ac inhibitionibus a sede Apostolica et a curia regis impetratis et impetrandis constitutioni de duabus diebus edite in concilio generali conventioni ind[] appellationum remedio Et specialiter indulgencie sedis apostolice Anglie concesse qua cavetur ne Anglici extra Angliam trahantur ad causas per literas dicte sedis et omnibus aliis exceptionibus juribus et defensionibus personalibus et realibus que nobis ecclesie nostre et successoribus nostris possent prodesse et dictis mercatoribus nocere vel que possent objici contra premissa Volumus autem nomine nostro et successorum nostrorum ac ecclesie nostre super premissis omnibus et singulis a dictis mercatoribus vel ab uno eorum aut eorum nuncio in omni loco libere conveniri et ad judicium trahi In cujus rei testimonium presentibus literis sigillum nostrum apposuimus Dat London die Jovis proxima ante festum Sancti Luce Evangeliste anno Domini MCC septuagesimo sexto Et memorandum quod predictus abbas venit in Cancellariam Regis et recognovit omnia premissa in forma predicta Postea venit Dunelmus predictus in Cancellariam Regis et ponit loco suo Dietanicum mercatorem Florentinum ad recipiendum medietatem lane predicte ab Abbate et Conventu predictis