Charter Document - 06230013
| Charter Number: | 06230013 |
|---|---|
| Cartulary Title: | Memorials of the Abbey of St. Mary of Fountains |
| Charter Language: | Latin |
| Charter Origin: | Religious |
| Charter Type(s): | Letter, Request |
| Date: | 1220 |
| Date type: | Assigned |
| Resource Link(s): |
|
Charter:
Egregio domino H Dei gratia illustri regi Anglorum Domino Hibernie Duci Normannie et Aquitanie et Comiti Andegavie Pandulphus miseratione divina Norwicensium electus Domini Pape Camerarius Apostolice sedis Legatus salutem in auctore Salutis Cum venerabilibus in Christo Patribus Domino Cantuariensi Archiepiscopo et Saresbirien ac nobis ordinacionem Eliens Ecclesie Dominus Papa duxerit commendendam nos post diutinam deliberationem habitam inter nos communiter convenimus in virum venerabilem abbatem de Fontibus ordinis Cisterciensium vita et fama merito commendabilem et de ipso honorem Dei et vestrum Eliensi Ecclesie duximus providendum Qui nostre previsioni auctoritate Domini Pape de ipso facte [sicut decuit] assensum prebentes ipsum ad vestram duximus presentiam transmittendum rogantes celsitudinem vestram et commonentes in Domino ut ipsum benigne recipientes fidelitatem ab ipso [sicut moris est] recipiatis Credimus enim et speramus in Domino quod Deo acceptus erit ac vobis et toti regno utilis et fidelis Dat apud Wellen xii Kal Februarij
Source (click image below to view full size)
