Charter Document - 06230003

Rogerus Dei gratia Eboracensis Archiepiscopus Dilectis filiis Ricardo Abbati monasterii sancte Marie de Fontibus ejusque fratribus tam presentibus quam futuris regularem vitam professis inperpetuum salutem Ex amministracione officii nobis commissi necessario incumbit religiosas personas diligere et earum quieti Deo auxiliante prospicere Ea propter dilecti in Domino filii vestris justis postulacionibus clementer annuentes prefatam Dei genitricis ac semper virginis Marie Ecclesiam in qua Divino mancipati estis obsequio totumque vestre habitacionis locum cum universis terris silvis aquis pratis et pascuis de feudo sancti Petri et nostro quibuslibet justis modis acquisitis vobis et successoribus vestris in puram et perpetuam elemosinam concedimus et presentis scripti pagina confirmando communimus sicut a predecessoribus nostris bone memorie Turstino et Henrico Archiepiscopis concessum esse dinoscitur In quibus hec propriis duximus exprimenda vocabulis Ecclesiam de Fontibus cum sibi adjacentibus Grangiam Suttune per plenarias divisas suas cum terris acquisitis a Torphino filio Gospatricis et a Godwino de Cluthum Herleshowiam per suas divisas plenarias per quas Robertus de Sartis et uxor ejus Raganildis filia Ligulphi melius unquam tenuerunt Terram eciam que erat in calumpnia inter Herleshowiam et Bertrannum de Bulemer quam ipse quietam clamavit et xx acre terras quas Ricardus Pedlarrun pro anima filii sui vobis dedit Set et alias xx acras quas Normannus filius Uctredi dedit vobis Hec omnia vobis concedimus statuentes ut libera et absoluta ab omni terreno servicio quod mihi vel successoribus meis pertinet possideatis et nichil vobis oneris quod Regibus vel nobis debetur imponatur Terram nichilominus que erat in calumpnia inter Caitonam et Merchintonam sicut vobis quieta clamata fuit Siquis contra hanc nostre constitucionis paginam aliquid temere attemptaverit indignacionem Dei omnipotentis et Beatorum Apostolorum Petri et Pauli et nostram se noverit incursurum Hiis testibus