Charter Document - 06210112
| Charter Number: | 06210112 |
|---|---|
| Cartulary Title: | Cartulaire de l'Abbaye de Saint-Loup de Troyes |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1193 |
| Date type: | Internal, A.D. |
| Resource Link(s): |
Archives de l'Aube - 4bis H 4 (p.5) |
Charter:
Herbertus decanus Galterus prepositus Villencus subdecanus totumque Beati Stephani capitulum omnibus ad quos littere iste pervenerint in Domino salutem Ea dignum duximus tradere litteris que nolumus incurrere incommodum oblivionis noverint igitur universi presentes pariter et futuri quod ad evitandum litem et controversiam inter nos et ecclesiam Beati Lupi Trecensis assensu utriusque ecclesie pro bono pacis statuimus quod si homines nostri feminas Beati Lupi ex una parte vel homines Beati Lupi ex alia parte nostras duxerint in uxores ex assensu ipsarum ecclesiarum stabile et firmum inter eas habeatur matrimonium hoc modo quod utraque ecclesia filios et filias eorum inter quos statutum fuerit matrimonium sine contradictione ex equo partietur Hoc ut ratum et firmum permaneat sigilli nostri roboravimus munimento Actum anno Dominice Incarnationis MCLXXX decimo tercio