Charter Document - 06201182

Noverint universi tam presentes quam futuri quod ego Reginaldus de Milliaco et ego Flandria uxor ejusdem dedimus et in elemosinam perpetuam concessimus in remissione peccatorum nostrorum et omnium predecessorum nostrorum et pro anima Nicholay filii nostri monasterio Beate Marie de Rubeo Campo et in honore beati Michaelis de Ulteriori Portu quinque solidos quos debet nobis Galterus Ruffus de Renertuit monete currentis in Normannia singulis annis scilicet duos solidos et dimidium ad festum sancti Remigii et duos solidos et dimidium ad Natale quos debet nobis et heredibus nostris et heredes sui hereditati nostre pro duabus acris terre nostre quas tenet de nobis et heredibus nostris et heredes sui de hereditate nostra quarum una sita est pro mea parte in essarto Martini et aboutat ad nemus domini Roberti de Sancto Remigio ex una parte et ad terram Rogerii Maton que vocatur les Remox ex altera et etiam altera sita est juxta terram Walteri Ruf prepositi ex uno latere et aboutat ad terram Radulfi du Val ex una parte ad quam terram teneret se predictum monasterium pro predictis quinque solidis si dictus Galterus Ruffi vel heredes sui aut aliquis qui dictam terram possideret reddere contradiceret et liceret etiam priori predicti monasterii justitiare predictam terram pro dicto redditu et pro emenda si non in predictis terminis dicto monasterio reddatur Iterum concessimus dicto monasterio relevagium quodlibet predicte terre cum omni jure quod ibidem habemus et heredes nostri et quod habere de cetero poterimus et si dictum monasterium prioratu vel monachis vacaverit predictus redditu sicut dictum est supra ad monasterium principale de Ulteriori Portu revertetur Et quod hoc ratum et firmum perseveret presentem cartam sigillorum nostrorum munimine dignum duximus roborandam Actum anno Domini MCCXLVII mense martio hoc factum est in testimonium plurimorum Radulphi clerici de Magno Campo et magistri Willelmi le Carpentier et R dicti Comitis et multorum aliorum