Charter Document - 06201026
| Charter Number: | 06201026 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1151 |
| Date type: | Assigned |
| Resource Link(s): |
Reference Document for this Embedded Document |
Charter:
Noverint tam presentes quam futuri quod ego Henricus de Cuvervilla concessi et charta mea confirmavi sigilli mei munita munimine donum quod Ermengart mater mea donavit domui Sancte Marie de Rubeo Campo in perpetua elemosina habendum de me et heredibus meis scilicet septem minas bladi de redditu meo apud Sanctam Columbam et in pertinentiis feodi mei de Hameaux septem solidos monete usualis et hoc omne predictum donum reddendum annuatim ad festum sancti Remigii Et quoniam volo ut jam dictum donum et elemosina teneatur et reddatur predicte domui possessores ejusdem domus attornavi tenentibus terrarum feodi mei scilicet masure Rogeri Parent quatuor minas masure Radulphi Puissel duos boissellos et dimidium masure Gauffridi Hardy duos boissellos et dimidium masure Johannis Acart duos boissellos et dimidium masure Rogerii fili Maze duos boissellos et dimidium et omnes boisselli sunt quaternarii masure Walteri Porel dimidium mine item in pertinentiis feodi de Hameaux in denariis Petrus filius Willelmi de Molineaux xviii denarios Willelmus de Monte xv denarios Petrus filius Andree de Grainvilla iiii solidos Prefata enim domus predictam elemosinam justificabit salvis meis aliis juribus Testibus istis Willelmo de monasterio Waltero filio ejus Goscelino de Sancta Columba Petro avunculo ejus Nicholao Diel et pluribus aliis
Source (click image below to view full size)
