Charter Document - 06200245
| Charter Number: | 06200245 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1315 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis frater H[enricus] miseratione divina abbas monasterii Sancti Michaelis de Ulteriori Portu salutem in Domino sempiternam Noveritis nos teneri et esse efficaciter et legitime obligati religiosis mulieribus abbatisse et conventui Sancti Amandi Rothomagensis in viginti et una libris decem et septem solidis et sex denariis bonorum turonensium partim ex mutuo nobis pro necessitate monasterii nostri supradicti ab eisdem religiosis facto in pecunia numerata et partim ex redditu eisdem religiosis debito pro domo nostra Rothomagensi quam pecunie summam promittimus bona fide nos reddituros eisdem religiosis mulieribus quociens cumque ab eisdem fuerimus requisiti eisdem obligantes quoad hec omnia et singula bona nostra mobilia et inmobilia monasterii nostri ecclesiastica et mundana presencia et futura renunciantes exceptioni pecunie non mutuate non numerate non habite et omnibus exceptionibus et defensis que dictis religiosis posuerit obesse et nobis prodesse et omni juri dicenti generalem renunciationem non valere In quorum testimonium sigillum nostrum consuetum presentibus duximus apponendum Datum anno Domini millesimo CCCXV die jovis ante Nativitatem beate Marie Virginis
Source (click image below to view full size)
