Charter Document - 06200234
| Charter Number: | 06200234 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1287 |
| Date type: | Internal, A.D., Feast |
| Resource Link(s): |
|
Charter:
Omnibus hec visuris Officialis Rothomagensis salutem in Domino Noveritis quod in nostra presentia constituta Nicholas filia Ric[ardi] Johannis uxor Ric[ardi] le Caucheis de Mesnillio Aalardi ut dicebat laudavit et approbavit coram nobis venditionem factam a dicto marito suo Stephano dicto Taillecappe cujusdam tenementi de quo sit mentio in quadam littera presentibus hiis annexa et juravit coram nobis dicta Nicholaa ad sancta Dei evangelia spontanea quod contra predictam venditionem ratione dotis dotalicii conquestus excambii maritagii seu quacumque alia causa non veniet in futurum in foro ecclesiastico vel seculari In cujus rei testimonium ad petitionem dicte Nicholae sigillum curie Rothomagensis presentibus litteris duximus apponendum Actum die martis post festum sancti Martini estivalis anno Domini MCC octogesimo septimo
Source (click image below to view full size)
