Charter Document - 06200233
| Charter Number: | 06200233 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1286 |
| Date type: | Internal, A.D., Feast, Lunar |
| Resource Link(s): |
|
Charter:
Universis presentes litteras inspecturis Guillelmus miseratione divina Rothomagensis archiepiscopus salutem in Domino sempiternam Noverit universitas vestra quod nos utilitate et commodo abbatis et conventus monasterii de Ulteriori Portu nostre diocesis et dilectorum filiorum decani et capituli Beate Marie de Nigella Ambianensis diocesis nomine suo et ecclesiarum suarum pensatis quamdam amicabilem compositionem nomine quo supra habitam inter ipsos nomine personatus de Augusta ejusdem diocesis Ambianensis et ejus pertinentiis sicut in his litteris eorumdem super hoc confectis plenius continetur laudamus et approbamus inquisitione super hoc a nobis penitus facta nostro nichilominus super hoc interveniente decreto auctoritate qua fungimur sub presentis scripti patrocinio confirmantes Datum anno Domini millesimo ducentesimo octogesimo sexto die lune ante festum beate Marie Magdalene
Source (click image below to view full size)
