Charter Document - 06200232
| Charter Number: | 06200232 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1286 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis Stephanus Dei patientia humilis abbas monasterii Sancti Michaelis de Ulteriori Portu totusque ejusdem loci conventus ordinis sancti Benedicti salutem et pacem sempiternam in Domino Noveritis quod nos pro utilitate et commodo monasterii seu ecclesie nostre tradidimus ad firmam perpetuam viris venerabilibus et discretis decano et capitulo ecclesie Beate Marie de Nigella supra Mare per quandam amicabilem compositionem habitam inter nos et ecclesiam nostram ex una parte et dictos decanum et capitulum et eorumdem ecclesiam ex altera universa et singula que habemus et percipere debemus apud Augustam et in territorio et pertinentiis ejusdem ville et loci tam in decimis grossis et minutis reditibus ex cadentis obventionibus quam rebus aliis quibuslibet ad campum et ad villam pro uno modio abladiorum videlicet sex sextariis bladi et sex sextariis hordei et avene per medium ad mensuram de Augo nobis vel mandatorio nostro apud Augustam singulis annis in festo Omnium Sanctorum a dictis decano et capitulo vel eorum mandatorio integraliter in perpetuum persolvendis quam quidem compositionem promittimus omnes et singuli et ecclesia nostra bona fide et legitima tenere et in perpetuum observare et erga omnes legi parere nolentes tenemur garantire In cujus rei fidem et testimonium presentes litteras dictis decano et capitulo tradidimus sigillorum nostrorum munimine roboratas Datum anno Domini millesimo ducentesimo octogesimo quinto die sabbathi post Letare Jerusalem
Source (click image below to view full size)
