Charter Document - 06200227
| Charter Number: | 06200227 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1281 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis G[uido] humilis abbas ecclesie Sancti Fusciani de Nemore totusque ejusdem loci conventus Ambianensis diocesis salutem in Domino Cum nos percipiebamus ab antiquis temporibus decimas quasdam quas nos habebamus in territorio et pertinentiis de Bellocampo Juniore et de Fraisnoia videlicet in cultura de Bretisel et in pertinentiis earumdem et in quocumque loco existunt ultra Caudam Comitise de diocesi Rothomagensi pertinentes ad usus prioratus Sancti Germani Ambianensis diocesis et e converso viri religiosi abbas et conventus monasterii Sancti Michaelis de Ulteriori Portu dicte Rothomagensis diocesis perciperent et haberent similiter ab antiquis temporibus quasdam decimas sitas in cultura de Bretisel in parrochia Sancti Germani predicti et in omnibus appenditiis pertinentibus ad priorem prioratus Sancti Nicolai de le Fresnoie dicte Rothomagensis diocesis videlicet in terris et in curtillis sitis in diocesi Ambianensi noverint quod nos abbas et conventus dicte ecclesie Sancti Fusciani dicte Ambianensis diocesis de consilio bonorum quittavimus et quittamus in perpetuum predictis abbati et conventui de Ulteriori Portu et priori prioratus Sancti Nicholai de le Fresnoie predicte Rothomagensis diocesis totum jus et omnem actionem quod et quam habebamus in predictis decimis de territorio de Bellocampo Juniore et de le Fresnoie predicte et nos annis singulis tenemur reddere priori de le Fresnoie quatuor minas bladi ad mensuram Albemallie et hoc nomine monasterii Sancti Michaelis de Ulteriori Portu et cum hoc tres minas avene bone et legalis ad eandem mensuram que mine bladi et avene singulis annis capientur in grangia prioratus Sancti Germani infra festum Omnium Sanctorum et valor bladi debet esset quelibet mine sex denariorum minoris pretii blado meliore Et modo predicti abbas et conventus Sancti Michaelis supradicti quitant nobis et quitaverunt omne jus et omnem actionem quod et quam ipsi habebant et habere poterant ac reclamare in perpetuum in decimis quas habebant et percipiebant in diocesis Ambianensis pertinentiis ad priorem prioratus Sancti Germani antedicti In cujus rei testimonium presentes litteras sigillorum nostrorum munimine fecimus roborari Actum anno Domini MCC octogesimo primo mense julio
Source (click image below to view full size)
