Charter Document - 06200215

Sciant omnes presentes et futuri quod ego Willelmus dictus de Kilebuef et ego Heluydis uxor dicti Willelmi vendidimus et concessimus in perpetuam hereditatem Willelmo famulo elemosinarii de Ulteriori Portu tres pechias terre nostre pro septem libris turonensium nobis per manibus solutis quarum una sita est inter terram Ausberti Barberi ex una parte et terram Petri Karite ex altera et aboutat ad terram dicti Ausberti ex una parte et ad terram dicti Petri Karite ex altera secunda pechia sita est inter terram Ricardi le Page ex una parte et terram Petri Karite ex altera et aboutat ad terram Radulfi le Bouc ex una parte et ad terram Ausberti Barberi ex altera tercia pechia sita est inter terram Ricardi le Page ex una parte et terram Petri Karite ex altera et aboutat ad terram Clarelli Barberi ex una parte et ad terram Simonis le Blont ex altera tenendas dictas tres pechias terre sicut se proportant in longum et in latum dictos Willelmo et heredibus suis de domino abbate et conventu de Ulteriori Portu libere quiete pacifice et jure hereditario in perpetuum possidendas per campartagium et molturam et per garbam de dono prepositi absque reclamatione seu contradictione de nobis aut de heredibus nostris de cetero facienda Et sciendum est quod nos predicti Willelmus de Kilebuef et Heluydis uxor dicti Willelmi et heredes nostri dicto Willelmo famulo elemosinarii et heredibus suis istam venditionem contra omnes in perpetuum garantizare tenemur salvo tamen jure dominico Et ut hoc firmum et stabile permaneat in futurum ego dictus Willelmus de Kilebuef et ego dicta Heluydis uxor ejusdem presentem cartam sigillorum nostrorum munimine roboravimus Datum anno Domini MCCLX secundo mense novembris Testibus hiis Renerio Parmentario Radulfo Parmentario Radulfo de Porta Johanne dicto le Cat et pluribus aliis