Charter Document - 06200210
| Charter Number: | 06200210 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1261 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Alfonsus J[ohannis] regis Jerusalem filius comes Augi et Francie camerarius in Domino salutem Noveritis quod cum clare memorie Maria comitissa Augi quondam uxor nostra in ultima sua voluntate ecclesie Sancti Michaelis de Ulteriori Portu triginta solidos turonensium annui et perpetui redditus super vicecomitatum Ulterioris Portus legaverit prout in testamento ejusdem comitise vidimus contineri nos dictum legatum libenter et liberaliter approbantes dictos triginta solidos dicte ecclesie in puram et perpetuam elemosinam super dictos vicecomitatu singulis annis percipiendos per manum illius qui dictum vicecomitatum tenuerit assignavimus in festo Purificationis beate Marie Virginis persolvendos integraliter In cujus rei testimonium presentes litteras abbati de Ulteriori Portu nomine dicte ecclesie concessimus sigilli nostri munimine roboratas Actum anno Domini MCC sexagesimo primo mense maio
Source (click image below to view full size)
