Charter Document - 06200209
| Charter Number: | 06200209 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1261 |
| Date type: | Internal, A.D., Feast |
| Resource Link(s): |
|
Charter:
Notum sit omnibus presentibus et futuris quod ego Ricardus Waimel de Ulteriori Portu assensu et voluntate Johanne uxoris mee vendidi et penitus deserui viris religiosis abbati et conventui de Ulteriori Portu septem solidos turonensium annui redditus quos michi debebat Galterus dictus Fredinc burgensis de Ulteriori Portu ad duos terminos videlicet ad Nativitatem Domini tres solidos et sex denarios et totidem ad Pentecosten de uno campo qui adjacet ex uno sui latere ad terram dictorum religiosorum et ex alio ad terram magistri Willelmi dicti des Mons et aboutat ex uno sui termino ad terram Bernardi de Abbatisvilla et ex alio ad terram dictorum religiosorum pro sexaginta duobus solidis et sex denariis michi per manibus solutis tenendos et habendos predictos septem solidos annui redditus dictis abbati et conventui et successoribus eorum et de dicto Galtero Fredinc et heredibus suis annuatim solvendos dictis abbati et conventui et successoribus eorum libere quiete et pacifice absque contradictione vel reclamatione de nobis et heredibus nostris de cetero facienda Hanc autem venditionem ego predictus Ricardus et mei heredes dictis abbati et conventui et successoribus eorum contra omnes tenemur garantizare per obligationem omnium bonorum nostrorum mobilium et immobilium ubicumque fuerint et aboutavi dictum Galterum et heredes suos dictis abbati et conventui et successoribus eorum de predictis septem solidis annui redditus ad terminos prenotatos de se et heredibus suis annuatim reddendis In cujus rei testimonium presenti carte sigillum meum apposui et ad majorem confirmationem et concessionem omnium rerum predictarum predicta Johanna uxor mea sigillum suum apposuit Actum anno Domini MCC sexagesimo die dominica post Epiphaniam Domini Testibus hiis Gossone Triquet Luca Serviente Laurentio de Angulo et pluribus aliis
Source (click image below to view full size)
